മലപ്പുറം: കാട്ടുതീ യഥാസമയം നിയന്ത്രിക്കുന്നതിന്റെ ഭാഗമായി വനംവകുപ്പ് ആസ്ഥാനത്ത് 24 മണിക്കൂറും പ്രവര്‍ത്തിക്കുന്ന ഫയര്‍ മോണിറ്ററിങ് സെല്‍ പ്രവര്‍ത്തനം തുടങ്ങി.
     ഡെറാഡൂണിലെ ഫോറസ്റ്റ് സര്‍വേ ഓഫ്  ഇന്ത്യ ഉപഗ്രഹത്തിന്റെ സഹായത്തോടെ കാട്ടുതീ സംബന്ധിച്ചു ലഭ്യമാകുന്ന വിവരങ്ങള്‍ സെല്ലില്‍ സ്വീകരിക്കുകയും ഇവ ബന്ധപ്പെട്ട വനം ഉദ്യോഗസ്ഥര്‍ക്ക് അപ്പോള്‍തന്നെ എസ്.എം.എസ് സന്ദേശത്തിലൂടെ കൈമാറുകയും ചെയ്യും.
കാട്ടുതീ സംബന്ധിച്ച വിവരശേഖരണത്തിനും തുടര്‍നടപടികള്‍ക്കുമായി കേരളത്തിലെ 36 വനം ഡിവിഷനുകളിലും പ്രവര്‍ത്തിക്കുന്ന കണ്‍ട്രോള്‍ റൂമുകളുടെ ഏകോപനം, കൈമാറുന്ന വിവരങ്ങളുടെ അടിസ്ഥാനത്തില്‍ ബന്ധപ്പെട്ടവര്‍ കൈകൊണ്ട നടപടികള്‍ എന്നിവ മോണിറ്ററിങ് സെല്‍ പരിശോധിച്ച് വിലയിരുത്തും.
കാട്ടുതീ സംബന്ധിച്ച വിവരങ്ങള്‍ പൊതുജനങ്ങള്‍ക്കു ഫയര്‍  മോണിറ്ററിങ് സെല്ലില്‍ അറിയിക്കാവുന്നതാണ്.
ഫോണ്‍: 0471-2529247, 8547600419.