കണ്ണൂര്‍: ഡി.വൈ.എഫ്.ഐ സംസ്ഥാന പ്രസിഡന്റ് എ.എന്‍ ഷംസീര്‍ എം.എല്‍.എയുടെ വീടിനു മുമ്പില്‍ കൊലവിളി പ്രകടനം നടത്തിയ ആര്‍.എസ്.എസ് നടപടിയില്‍ ഡി.വൈ.എഫ്.ഐ ജില്ലു സെക്രട്ടറിയേറ്റ് പ്രതിഷേധിച്ചു. ഞായറാഴ്ച്ച വൈകുന്നേരമാണ് കോടിയേരി മാടപ്പീടിക പള്ളിക്ക് അടുത്തുള്ള ഷംസീറിന്റെ വീട്ടിനു മുന്നിലൂടെയാണ് ആര്‍.എസ്.എസുകാര്‍ പ്രകോപനകരമായ പ്രകടനം നടത്തിയത്. മുഖ്യമന്ത്രിയുടെ നേതൃത്വത്തില്‍ വിളിച്ചുചേര്‍ത്ത സമാധാന ചര്‍ച്ചയില്‍ പങ്കെടുത്ത് കൈക്കൊണ്ട തീരുമാനങ്ങളുടെ മഷി ഉണങ്ങും മുന്‍പാണ് ഈ പ്രകോപനമെന്നും സെക്രട്ടറിയേറ്റ് ആരോപിച്ചു.