തിരുവനന്തപുരം: അഞ്ചു വര്‍ഷം മുന്‍പ് കൈവിട്ടുപോയ മകനെ വെറും പത്തു ദിവസത്തെ അന്വേഷണത്തില്‍ പൊലിസ് കണ്ടെത്തിക്കൊടുത്തു. മുഖ്യമന്ത്രി പിണറായി വിജയനാണ് ഇക്കാര്യം ഫെയ്‌സ്ബുക്കിലൂടെ അറിയിച്ചത്.

പോസ്റ്റ് ഇങ്ങനെ

അഞ്ച് വര്‍ഷം മുമ്പ് കാണാതായ മകനെ എത്രയും വേഗം കണ്ടെത്താന്‍ സഹായിക്കണമെന്ന ധര്‍മടത്തെ സതീശന്‍- ദീപ ദമ്പതികളുടെ നിവേദനം 10 ദിവസം മുമ്പാണ് എനിക്ക് കിട്ടിയത്. അത് ഉടന്‍ പൊലിസിന് കൈമാറി. അവരുടെ ഊര്‍ജിതമായ അന്വേഷണത്തിനൊടുവില്‍ 30കാരനായ സന്ദീപിനെ തമിഴ്‌നാട്ടില്‍ വെച്ച് കണ്ടെത്തി. മാതാപിതാക്കളുടെയും കുടുംബാംഗങ്ങളുടെയും സന്തോഷത്തില്‍ പങ്ക് ചേരുന്നു. അന്വേഷണ സംഘത്തിന് അഭിനന്ദനങ്ങള്‍.