പാരിസ്: യൂറോ കപ്പ് ഫുട്‌ബോളില്‍ സ്വീഡനെ ഒരു ഗോളിന് തകര്‍ത്ത് ഇറ്റലി പ്രീ ക്വാര്‍ട്ടറില്‍ പ്രവേശിച്ചു. 88ാം മിനിറ്റില്‍ സിറ്റാഡിന്‍ ഈഡര്‍ നേടിയ ഗോളിലാണ് ഇറ്റലിയുടെ ജയം. ഗോള്‍രഹിത സമനിലയിലെന്നുറപ്പിച്ച കളിയുടെ അവസാന നിമിഷമാണ് ഇറ്റലിയുടെ തേരാളിയായി സിറ്റാഡിനെത്തുന്നത്. സ്വീഡന്റെ പ്രതിരോധക്കാരെ വകഞ്ഞുമാറ്റി മനോഹരമായി തന്നെ അദ്ദേഹം ഗോള്‍ വലയിലാക്കുകയായിരുന്നു. ഇതോടെ ഇറ്റലി പ്രീ ക്വാര്‍ട്ടര്‍ സാധ്യത ഉറപ്പിക്കുകയും ചെയ്തു.