ഹൈദരാബാദ്: ഹുദവീസ് അസോസിയേഷന്‍ ഫോര്‍ ഡിവോട്ടഡ് ആക്ടിവിറ്റീസി(ഹാദിയ)നു കീഴില്‍ ആന്ധ്രപ്രദേശിലെ പുങ്കനൂരില്‍ നടന്ന 'ജലക് 2017' ഇന്റര്‍ മകാതിബ് ഫെസ്റ്റ് സമാപിച്ചു. ആന്ധ്ര, കര്‍ണാടക സംസ്ഥാനങ്ങളിലെ 35 മദ്‌റസകളില്‍നിന്നു തിരഞ്ഞെടുക്കപ്പെട്ട നൂറോളം വിദ്യാര്‍ഥികള്‍ മാറ്റുരച്ച കലോത്സവത്തില്‍ ജൂനിയര്‍ വിഭാഗത്തില്‍ കല്‍ക്കട, സീനിയര്‍ വിഭാഗത്തില്‍ കല്ലൂര്‍ എന്നീ മക്തബുകള്‍ വിജയികളായി.
എസ് ആസിഫ് (കടപ്പ), മുഹമ്മദ് ഫൈസാന്‍ (കല്ലൂര്‍) എന്നിവര്‍ കലാപ്രതിഭകളായി തിരഞ്ഞെടുക്കപ്പെട്ടു. സമാപന സെഷനില്‍ ഹാദിയ സെന്റര്‍ ഫോര്‍ സോഷ്യല്‍ എക്‌സലന്‍സ്(സി.എസ്.ഇ) വൈസ് ചെയര്‍മാന്‍ സി.ടി അബ്ദുല്‍ ഖാദിര്‍, മഹ്ഫൂസ് കിറാസ് തുര്‍ക്കി, ഷാവലി പുങ്കനൂര്‍ പങ്കെടുത്തു.