ന്യൂഡല്‍ഹി: ഉത്തര്‍പ്രദേശ് തെരഞ്ഞെടുപ്പ് പ്രചാരണത്തിനിടയില്‍നൊബേല്‍ സമ്മാന ജേതാവ് അമര്‍ത്യ സെന്നിനെയും മുന്‍ പ്രധാനമന്ത്രി മന്‍മോഹന്‍ സിങിനെയും പരിഹസിച്ച് പ്രസംഗിച്ച പ്രധാനമന്ത്രി മോദിയെ വെട്ടിലാക്കി അമേരിക്കയിലെ ഹാര്‍വാഡ് സര്‍വകലാശാലയിലെ വിദ്യാര്‍ഥികളുടെ കത്ത്.
ഹാര്‍വാഡ് ബുദ്ധിയല്ല കഠിനാധ്വാനമാണ് വേണ്ടതെന്ന് പറഞ്ഞാണ് മോദി മുന്‍ പ്രധാനമന്ത്രിയേയും അമര്‍ത്യസെന്നിനെയും പരിഹസിച്ചിരുന്നത്.
മോദിയുടെ പരിഹാസം സാമ്പത്തിക വിദഗ്ധരെ അവഹേളിക്കുന്നതാണെന്നും ഇത്തരം ആരോപണം ലോകത്തിന് മുന്നില്‍ ഇന്ത്യയെ ഒറ്റപ്പെടുത്തുമെന്നും വിദ്യാര്‍ഥികള്‍ അയച്ച കത്തില്‍ മുന്നറിയിപ്പ് നല്‍കുന്നു. ചണ്ഡീഗഡ് സ്വദേശിയും ഹാര്‍വാഡ് സര്‍വകലാശാലാ വിദ്യാര്‍ഥിയുമായ പ്രദീപ് കന്‍വാലിന്റെ നേതൃത്വത്തിലാണ് മോദിക്ക് കത്തയച്ചത്.