ദുബൈ: തുറന്ന് പ്രവർത്ത മാരംഭിക്കാൻ മൂന്നു ദിവസം ശേഷിക്കെ, ദുബൈയിലെ ഗ്ലോബൽ വില്ലേജ് ഓൺ ലൈൻ ടിക്കറ്റിങ് പ്ലാറ്റ്ഫോം സജീവമാക്കി. സന്ദർശകർക്ക് ഇപ്പോൾ പ്രവേശന പാസുകൾ വാങ്ങാം. എൻട്രി ടിക്കറ്റുകൾ 25 ദിർഹം മുതൽ ഗ്ലോബൽ വില്ലേ ജിന്റെ ഔദ്യോഗിക വെബ്സൈറ്റിൽ (www.globalvillage.ae) ഇപ്പോൾ ലഭ്യമാണ്. ഇത് മുൻ സീസണിലെ നിരക്കുകളിൽ നിന്നുള്ള വർധനയെ അടയാളപ്പെടുത്തുന്നു. ഗ്ലോബൽ വില്ലജിന്റെ 29-ാമത് സീസൺ ഈ മാസം 16ന് ബുധനാഴ്ചയാണ് തുറക്കുന്നത്. പുതിയ 'റസ്റ്ററന്റ്റ് പ്ലാസ'യും മൂന്ന് സാംസ്കാരിക പവലിയനുകളും ജനപ്രിയ ഫെസ്റ്റിവൽ പാർക്കിലടങ്ങുന്നു.

പുതിയ നിരക്കുകൾ ഇപ്രകാരം 

• പ്രതിവാര ടിക്കറ്റിന് 25 ദിർഹം (പൊതു അവധി ദിവസങ്ങൾ ഒഴികെ ഞായർ മുതൽ വ്യാഴം വരെ ഉപയോഗിക്കാം). 

• 30 ദിർഹം: ഏത് ദിവസവും ഉപയോഗിക്കാം. 

• കഴിഞ്ഞ സീസണിൽ പ്രവൃ ത്തി ദിവസത്തെ ടിക്കറ്റുകൾ ക്ക് ഓരോന്നിനും 22.50 ദിർഹ മും എനിഡേ പാസുകൾക്ക് 27 ദിർഹമുമായിരുന്നു നിരക്ക്. 

• 3 വയസും അതിൽ താഴെയും പ്രായമുള്ള കുട്ടികൾക്കും 65വയസ്സിനുമുകളിലുള്ളവർക്കും നിശ്ചയ ദാർഢ്യ(ഭിന്ന ശേഷി) ക്കാർക്കും പ്രവേശനം ഇപ്പോ ഴും സൗജന്യമാണ്.

സമയക്രമം 

ഗ്ലോബൽ വില്ലേജിന്റെ ഈ സീസൺ 2024 ഒക്ടോബർ 16 മുതൽ 2025 മെയ് 11 വരെയാണ്. പാർക്കിന്റെ പ്രവർത്തന സമയം ഞായർ മുതൽ ബുധൻ വരെ വൈകുന്നേരം 4 മുതൽ 12 വരെയും; വ്യാഴം മുതൽ ശനി വരെ വൈകുന്നേരം 4 മുതൽ പുലർച്ചെ 1 വരെയുമാണ്. ചൊവ്വ (പൊതു അവധി ദിനങ്ങൾ ഒഴികെ) കുടുംബങ്ങൾക്കും ദമ്പതികൾക്കും സ്ത്രീകൾക്കും മാത്രമായി നീക്കി വച്ചിരിക്കുന്നു.

ഈ സീസണിലെ പുതിയവ

 ജനപ്രിയമായ റെയിൽവേ മാർക്കറ്റും ഫ്ലോട്ടിംഗ് മാർക്കറ്റും പുതിയ ഡിസൈൻ ആശയങ്ങളുമായി വീണ്ടും തുറക്കും. അതേ സമയം ഫിയസ്റ്റ സ്ട്രീറ്റിൽ ഇരട്ട നിലകളുള്ള സ്ട്രീറ്റ് കിയോസ്കു‌കളുണ്ടാകും. കാർണിവൽ ഫൺഫെയർ ഏരിയയ്ക്ക് അടുത്തുള്ള 'റസ്റ്ററന്റ് പ്ലാസ' ഭക്ഷണ പ്രിയർ നഷ്‌ടപ്പെടുത്തരുതാത്തതാണ്. തത്സമയ ഷോകളും പ്രകടനങ്ങളും ആസ്വദിച്ച് അതിഥികൾക്ക് വൈവിധ്യമാർന്ന പാചക രീതികൾ ആസ്വദിക്കാൻ കഴിയുന്ന രണ്ട് നിലകളുള്ള 11 റസ്റ്ററന്റുകളെ ഇത്തവണ അവതരിപ്പിക്കുന്നതാണ്.

🪀 കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക