കൊച്ചി: കുപ്രസിദ്ധ ഗുണ്ട ഓംപ്രകാശ് പ്രതിയായ ലഹരിപ്പാര്‍ട്ടി കേസില്‍ കുറച്ചുപേരെക്കൂടി ചോദ്യംചെയ്യാനുണ്ടെന്ന് കൊച്ചി സിറ്റി പൊലീസ് കമ്മീഷണര്‍ പുട്ട വിമലാദിത്യ. പുതിയ വിവരങ്ങള്‍ ലഭിച്ചാല്‍ അതിനനുസരിച്ച് തുടര്‍നടപടികള്‍ സ്വീകരിക്കും. അഭിനേതാക്കളായ ശ്രീ നാഥ് ഭാസി, പ്രയാഗ മാര്‍ട്ടിന്‍ എന്നിവര്‍ക്കെതിരെ കൂടുതല്‍ തെളിവുകള്‍ ലഭിച്ചിട്ടില്ലെന്നും, എത്രയും വേഗം ശാസ്ത്രീയ പരിശോധന ഫലം  ലഭിക്കാനുള്ള നടപടികള്‍ സ്വീകരിച്ചിട്ടുണ്ടെന്നും കമീഷണര്‍ മാധ്യമങ്ങളോട് പ്രതികരിച്ചു.

ലഹരിപ്പാര്‍ട്ടി കേസില്‍ ശ്രീനാഥ് ഭാസിയെയും പ്രയാഗയെയും അന്വേഷകസംഘം ചോദ്യംചെയ്തിരുന്നു. കേസില്‍ അറസ്റ്റിലായ ബിനു ജോസഫിനെ പരിചയമുണ്ടെന്ന ശ്രീനാഥ് ഭാസിയുടെ മൊഴിയുമായി ബന്ധപ്പെട്ട അന്വേഷണം പുരോഗമിക്കുകയാണ്.

അഭിനേതാക്കളുടെ ഫോണ്‍കാള്‍ വിശദാംശങ്ങളുടെ പരിശോധനഫലം ലഭിച്ചിട്ടില്ല. ഓംപ്രകാശ്, കൂട്ടാളി ഷിഫാസ്, താരങ്ങളെ ഹോട്ടലില്‍ എത്തിച്ച ബിനു ജോസഫ് എന്നിവരാണ് ഇതുവരെ കേസില്‍ അറസ്റ്റിലായത്.

The commissioner has announced plans to question more individuals in connection with the ongoing narcotics case, expanding the investigation's scope and aiming to uncover further details.