ആലപ്പുഴ: സ്ത്രീകളുടെയും കുട്ടികളുടെയും വികലാംഗരുടെയും ക്ഷേമം സംബന്ധിച്ച സമിതിയുടെ ശുപാര്‍ശ പ്രകാരം മാധ്യമ പ്രവര്‍ത്തകര്‍ക്ക് മുന്‍തൂക്കം നല്‍കി  ജില്ലാ ഇന്‍ഫര്‍മേഷന്‍ ഓഫിസിന്റെ ആഭിമുഖ്യത്തില്‍ ശില്‍പ്പശാല സംഘടിപ്പിക്കുന്നു. സ്ത്രീകളുടെയും കുട്ടികളുടെയും ഭിന്നശേഷിക്കാരുടെയും ക്ഷേമവും നിയമങ്ങളും എന്ന വിഷയത്തെ അധികരിച്ചുള്ള ശില്‍പ്പശാല ഇന്ന്  ഉച്ചകഴിഞ്ഞ് രണ്ടിന് ആലപ്പുഴ പ്രസ്‌ക്ലബ്ബില്‍ നടക്കും.
മുന്‍ എം.പിയും മാധ്യമ നിരീക്ഷകനുമായ ഡോ.സെബാസ്റ്റിയന്‍ പോള്‍ ഉദ്ഘാടനവും വിഷയാവതരണവും നിര്‍വഹിക്കും. ഇന്‍ഫര്‍മേഷന്‍പബ്ലിക് റിലേഷന്‍സ് വകുപ്പ് എറണാകുളം റീജിയണല്‍ ഡെപ്യൂട്ടി ഡയറക്ടര്‍ പി.ആര്‍ റോയ് മുഖ്യപ്രഭാഷണം നടത്തും. പ്രസ് ക്ലബ്ബ് പ്രസിഡന്റ് വി.എസ് ഉമേഷ് അധ്യക്ഷ്യത വഹിക്കുന്ന ചടങ്ങില്‍ ജില്ലാ ഇന്‍ഫര്‍മേഷന്‍ ഓഫിസര്‍ ചന്ദ്രഹാസന്‍ വടുതല, പ്രസ്‌ക്ലബ്ബ് സെക്രട്ടറി ജി. ഹരികൃഷ്ണന്‍ എന്നിവര്‍ പ്രസംഗിക്കും.