ആര്യനാട്: വീട്ടമ്മയായ ആദിവാസി യുവതിയെ പട്ടാപ്പകല്‍ പീഡിപ്പിക്കാന്‍ ശ്രമം. പറണ്ടോട് വിനോബാ നികേതന്‍ ചെട്ടിയാംപ്പാറയില്‍ വെള്ളിയാഴ്ച രാവിലെ 11.30 ഓടെയാണ് സംഭവം നടന്നത്. 23 കാരിയായ യുവതി രണ്ടര വയസുള്ള കുഞ്ഞിന് വീട്ടിനുള്ളില്‍ ഇരുന്ന് ആഹാരം കൊടുക്കുകയായിരുന്നു. പിന്നിലൂടെയെത്തിയ അജ്ഞാതന്‍ യുവതിയെ കടന്നുപിടിക്കാന്‍ ശ്രമിച്ചു. ആദ്യം പരിഭ്രമിച്ച യുവതി കുതറി മാറി അടുക്കളയില്‍ നിന്നും കത്തിയെടുത്ത് വീശി. പരുക്കേറ്റ അജ്ഞാതന്‍ പിന്മാറി സമീപത്തെ വനത്തിനുള്ളിലേക്ക് മറഞ്ഞു.
വിവരം അറിഞ്ഞെത്തിയ നാട്ടുകാരും പൊലിസും വനത്തില്‍ തിരച്ചില്‍ നടത്തിയെങ്കിലും പ്രതിയെ കണ്ടെത്താനായില്ല. മഞ്ഞ ഷര്‍ട്ടും കാവി കൈലിയും ധരിച്ചെത്തിയയാളാണ് ആക്രമിക്കാന്‍ ശ്രമിച്ചതെന്ന് യുവതി പൊലിസിനോട് പറഞ്ഞു.