കോഴിക്കോട്: വലിയ വ്യവസായ സ്ഥാപനങ്ങളുടെ വിഭാഗത്തില്‍ മികച്ച പ്രകടനത്തിനുള്ള ഇ. ഇ. പി. സി ഇന്ത്യയുടെ സതേണ്‍ റീജിയനല്‍ എക്‌സ്‌പോര്‍ട്ട് അവാര്‍ഡ് കോഴിക്കോട്ടെ പി. കെ സ്റ്റീല്‍ കാസ്റ്റിങ്‌സ് പ്രൈവറ്റ് ലിമിറ്റഡിന് ലഭിച്ചു. പുതുച്ചേരിയില്‍ വച്ച് നടന്ന ചടങ്ങില്‍ പി. കെ സ്റ്റീല്‍ കാസ്റ്റിങ്‌സ് പ്രൈവറ്റ് ലിമിറ്റഡ് ജോയിന്റ് മാനേജിങ് ഡയറക്ടര്‍ കെ. ഇ ഷാനവാസ് പുരസ്‌കാരം ഏറ്റുവാങ്ങി. ചടങ്ങില്‍ പുതുച്ചേരി ലെഫ്റ്റനന്റ് ഗവര്‍ണര്‍ ഡോ. കിരണ്‍ബേദി മുഖ്യാതിഥിയായി.
കോഴിക്കോടും കോയമ്പത്തൂരും ശാഖകളുള്ള പി.കെ സ്റ്റീല്‍ കാസ്റ്റിങ്‌സ് എന്‍ജിനീയറിങ് സാമഗ്രികള്‍ കയറ്റുമതി ചെയ്യുന്ന കേരളത്തിലെ ഏറ്റവും വലിയ വ്യവസായ സ്ഥാപനമാണ്. വിദേശ രാജ്യങ്ങളിലേക്കടക്കം കമ്പനിയുടെ ഉല്‍പന്നങ്ങള്‍ കയറ്റി അയക്കുന്നുണ്ട്.