കളമശേരി: ലോറി ഡ്രൈവറെ മര്‍ദിച്ച കേസില്‍ രണ്ട് യുവാക്കളെ കളമശേരി പൊലിസ് ഇന്‍സ്‌പെക്ടര്‍ എ.പ്രസാദ് അറസ്റ്റ് ചെയ്തു.  കളമശേരി മൂലേപ്പാടം ടിണ്ടിക്കല്‍ വീട്ടില്‍ ഷെഫിന്‍ (24), തേവക്കല്‍ വി.കെ.സി കോളനിയില്‍ ചിറങ്ങര പ്രശാന്ത് (25) എന്നിവരാണ് അറസ്റ്റിലായത്. ഇവര്‍ പെണ്‍കുട്ടിയെ കളിയാക്കിയത് ചോദ്യം ചെയ്തതിനെ തുടര്‍ന്നുണ്ടായ പ്രതികാരമാണ് ഡ്രൈവറെ മര്‍ദിക്കാന്‍ കാരണമായതെന്ന് പൊലിസ് പറഞ്ഞു. പ്രതികളെ കോടതിയില്‍ ഹാജരാക്കി. 2018 ഒക്ടോബര്‍ നാലിന് മണലിമുക്കില്‍ വച്ചാണ് കേസിനാസ്പദമായ സംഭവം നടന്നത്.