ഹരിപ്പാട്; ആലപ്പുഴ സി.ഐയ്ക്ക് നേരെ ഭീഷണിയുമായി യൂത്ത് കോണ്‍ഗ്രസ് പ്രവര്‍ത്തകര്‍. കേന്ദ്രസര്‍ക്കാറിന് എതിരായ പ്രതിഷേധത്തിനിടയില്‍ അരിതാ ബാബുവിനെ മര്‍ദിച്ചെന്ന് ആരോപിച്ചാണ് ആലപ്പുഴ സൗത്ത് സി.ഐ യെ ഭീഷണിപ്പെടുത്തിയത്.
യൂത്ത് കോണ്‍ഗ്രസിന്റെ ജില്ലാ പ്രസിഡന്റ്  എം.പി. പ്രവീണ്‍ സ്ഥലത്ത് മന്ത്രിയെ വിളിക്കുകയും അഭ്യന്തര മന്ത്രിയെയാണ് വിളിച്ചതെന്ന് പറയുകയും ചെയ്തു. 

ജന്തര്‍മന്തറിലെ സമരത്തിന് ഐക്യദാര്‍ഢ്യം പ്രഖ്യാപിച്ചാണ് ആലപ്പുഴ ഹെഡ് പോസ്റ്റ് ഓഫീസിലേക്ക് യൂത്ത് കോണ്‍ഗ്രസ് മാര്‍ച്ച് നടത്തിയത്. ഈ മാര്‍ച്ചിനിടയിലാണ് സംഘര്‍ഷമുണ്ടായത്. സംസ്ഥാന വൈസ് പ്രസിഡന്റ് അനിതാബാബുവിനെ പൊലിസ് മര്‍ദ്ദിച്ചുവെന്ന് ആരോപിച്ചാണ് പൊലിസുമായി യൂത്ത് കോണ്‍ഗ്രസ് നേതാക്കള്‍ തര്‍ക്കിച്ചത്. ആലപ്പുഴ സൗത്ത് സി.ഐയ്ക്ക് നേരെയാണ് രോഷപ്രകടനം ഉണ്ടായത്. സി.ഐ. സംഘിയായതു കൊണ്ടാണ് ഇത്തരത്തില്‍ പെരുമാറുന്നതെന്ന് പ്രവര്‍ത്തകര്‍ ആരോപിച്ചു.  അതിന് ശേഷമാണ് യൂത്ത് കോണ്‍ഗ്രസ് നേതാവ്  പ്രവീണ്‍ മന്ത്രിയെ വിളിച്ചത്. കഴിഞ്ഞ പത്ത് വര്‍ഷം തല്ലുവാങ്ങിയെന്നും ഇനിയും തല്ലുവാങ്ങണോയെന്നായിരുന്നു മന്ത്രിയോട് ചോദിച്ചത്. എന്നാല്‍ പിന്നീട് ഉയര്‍ന്ന പൊലിസ് ഉദ്യോഗസ്ഥര്‍ സ്ഥലത്തെത്തി യൂത്ത് കോണ്‍ഗ്രസ് പ്രവര്‍ത്തകരെ അനുനയിപ്പിച്ച് പറഞ്ഞയക്കുകയായിരുന്നു.