റിയാദ്: കഴിഞ്ഞ ഒരാഴ്ചക്കിടെ പലപ്പോഴായി സഊദിയുടെ വിവിധ ഭാഗങ്ങളില്‍ ഉണ്ടായ അത്തി ശക്തമായ മഴയിലും അത് മൂലമുണ്ടായ മലവെള്ളപ്പാചിലിലും പന്ത്രണ്ട് പേര്‍ മരിച്ചതായി സിവില്‍ ഡിഫന്‍സ് അറിയിച്ചു. മരിച്ചവരിൽ 10 പേർ തബൂക് പ്രവിശ്യയിൽ നിന്നുള്ളവരും ഒരാൾ മദീന പ്രവിശ്യയിലും മറ്റൊരാൾ വടക്കന്‍ അതിര്‍ത്തി പ്രദേശത്തു നിന്നുള്ളവരുമാണ്.

 

നാലു ദിവസങ്ങൾക്കുള്ളിലുണ്ടായ കനത്ത മഴക്കെടുതിയിൽ നിന്ന് 271 പേരെയാണു സിവിൽ ഡിഫൻസ് രക്ഷപ്പെടുത്തുകയും ചെയ്തിട്ടുണ്ട്.  കനത്ത മഴയില്‍ മദീനയിലടക്കം വിവിധ സ്ഥലങ്ങളില്‍ റോഡുകള്‍ ഒലിച്ചു പോകുകയും ഗതാഗതം താറുമാറാകുകയും ചെയ്തിരുന്നു. മഴക്ക് ശമനം നേരിട്ടതോടെ നാശ നഷ്ടങ്ങള്‍ കണക്കാക്കി വരികയാണ്.