തൊടുപുഴ: സമ്പൂര്‍ണ  ഭക്ഷ്യസുരക്ഷാ ഗ്രാമ പഞ്ചായത്ത് പദ്ധതിയിലേക്ക് തിരഞ്ഞെടുത്ത ജില്ലയിലെ മുട്ടം, അടിമാലി, പീരുമേട് എന്നീ പഞ്ചായത്തുകളില്‍ 15 മുതല്‍ 20 വരെ റാലികള്‍  സംഘടിപ്പിക്കും. റാലിയില്‍ ജനപ്രതിനിധികള്‍, സന്നദ്ധ സംഘടനാ പ്രവര്‍ത്തകര്‍  തുടങ്ങിയവര്‍ പങ്കെടുക്കും.
ഭക്ഷ്യ ഉല്‍പ്പാദന-വിപണന-വിതരണ സ്ഥാപനങ്ങളില്‍  പ്രവര്‍ത്തിക്കുന്നവരുടെ വിവര ശേഖരണത്തിനുശേഷം ലൈസന്‍സ് രജിസ്‌ട്രേഷന്  നല്‍കുന്നതിനായി 15വരെ പഞ്ചായത്തുകളില്‍ മേളകള്‍ സംഘടിപ്പിക്കുമെന്ന് ഫുഡ്  സേഫ്റ്റി അസിസ്റ്റന്റ് കമ്മിഷണര്‍ ജി ഗംഗാഭായി അറിയിച്ചു.  
ഭക്ഷ്യവ്യാപാരികള്‍, കുടുംബശ്രീ, അങ്കണവാടി പ്രവര്‍ത്തകര്‍,  സ്‌കൂള്‍-കോളജ് വിദ്യാര്‍ഥികള്‍ക്ക് ഉച്ചഭക്ഷണം തയ്യാറാക്കുന്നവര്‍, സന്നദ്ധ  സംഘടനാ പ്രവര്‍ത്തകര്‍ എന്നിവരെ പങ്കെടുപ്പിച്ച്  ബോധവല്‍ക്കരണ ക്ലാസുകള്‍ നടത്തും.