ഒറ്റപ്പാലം: ലക്കിടി ജവഹര്‍ലാല്‍ എന്‍ജിനീയറിങ് കോളജിലെ എന്‍.എസ്.എസ് യൂനിറ്റുകളുടെ നേതൃത്വത്തില്‍ വിദ്യാര്‍ഥികള്‍ കാംപസിലെ 30 ലധികം വരുന്ന ശുചീകരണ തൊഴിലാളികളെ ആദരിച്ചു. ലോക വനിതാ ദിനാചരണത്തിന്റെ ഭാഗമായി സംഘടിപ്പിച്ച ചടങ്ങില്‍ വനിതാ തൊഴിലാളികള്‍ക്ക് അരിയും വസ്ത്രവും വിതരണം ചെയ്തു.
പ്രിന്‍സിപ്പല്‍ ഡോ. വി.പി. സുകുമാരന്‍ നായര്‍ ഉദ്ഘാടനം ചെയ്തു. വൈസ് പ്രിന്‍സിപ്പല്‍ ഡോ. കെ ഉമേഷ അധ്യക്ഷനായി. പ്രൊഫ. വേണുഗോപാല്‍, പ്രോഗ്രാം ഓഫിസര്‍മാരായ കെ. ബാബുരാജ്, കെ. ജയേഷ്, ഷാനില്‍ മുഹമ്മദ്, ജെസീം സംസാരിച്ചു.