മസ്‌കറ്റ്: കൊവിഡ് 19 വ്യാപനം തടയുന്നതിന്റെ മുന്‍കരുതല്‍ നടപടിയുടെ ഭാഗമായി സ്‌കൂളുകളും കോളേജുകളും യൂണിവേര്‍സിറ്റികള്‍ ഉള്‍പ്പെടെ എല്ലാ വിദ്യാഭ്യാസ സ്ഥാപനങ്ങള്‍ക്കും മാര്‍ച്ച് 15 ഞായറാഴ്ച മുതല്‍ ഒരു മാസത്തേക്ക് അവധിയായിരിക്കുമെന്ന് ഒമാന്‍ ടിവി അറിയിച്ചു.

ടെക്‌നിക്കല്‍, വൊക്കേഷണല്‍ കോളേജുകളിലെയും സ്വകാര്യ പരിശീലന സ്ഥാപനങ്ങളിലെയും പഠനം മാര്‍ച്ച് 15 മുതല്‍ ഒരു മാസത്തേക്ക് നിര്‍ത്തിവയ്ക്കാന്‍ തീരുമാനിച്ചതായി മാനവശേഷി മന്ത്രാലയം പ്രസ്താവനയില്‍ പറഞ്ഞു.

മാര്‍ച്ച് 15 ഞായറാഴ്ച മുതല്‍ സര്‍വകലാശാലയില്‍ പഠനം നിര്‍ത്തിവയ്ക്കാന്‍ തീരുമാനിച്ചതായും എന്നാല്‍ തീരുമാനം വിദ്യാര്‍ത്ഥികള്‍ക്ക് മാത്രമേ ബാധകമാകൂ എന്നും സുല്‍ത്താന്‍ ഖാബൂസ് സര്‍വകലാശാല അറിയിച്ചു.

അവധിക്കാലത്ത് കുട്ടികളെ വീട്ടില്‍ തന്നെ നിര്‍ത്തണമെന്ന് കോവിഡ് 19 ലെ സുപ്രിം കമ്മിറ്റി കുടുംബങ്ങളോട് ആവശ്യപ്പെട്ടിട്ടുണ്ട്. ഒമാന്‍ ടിവി പ്രസ്താവനയില്‍ കൂട്ടിച്ചേര്‍ത്തു.