മുസ്‌ലിംമുക്ത ഭാരതം ദിവാസ്വപ്‌നം മാത്രം: എം.ഐ ഷാനവാസ് എം.പിമാവൂര്‍: മുസ്‌ലിംമുക്ത ഭാരതമെന്ന ഫാസിസ്റ്റുകളുടെ മുദ്രാവാക്യം ദിവാസ്വപ്നം മാത്രമാണെന്ന് എം.ഐ ഷാനവാസ് എം.പി പ്രസ്താവിച്ചു. മുസ്‌ലിം സമൂഹമുള്ളയിടങ്ങളിലെല്ലാം സമാധാനവും ഐശ്വര്യവും കളിയാടുന്ന കാഴ്ച കാണാന്‍ കഴിയുമെന്നും അദ്ദേഹം കൂട്ടിച്ചേര്‍ത്തു. 'സഹനം, സമരം, സമര്‍പ്പണം' പ്രമേയത്തില്‍ എസ്.കെ.എസ്.എസ്.എഫ് നടത്തുന്ന റമദാന്‍ കാംപയിനിന്റെ ഭാഗമായി മാവൂര്‍ ചെറുശ്ശേരി ഉസ്താദ് നഗറില്‍ നടക്കുന്ന പ്രഭാഷണം ഉദ്ഘാടനം ചെയ്യുകയായിരുന്നു അദ്ദേഹം. എന്‍.പി അഹമ്മദ് അധ്യക്ഷനായി.
എന്‍ജിനീയര്‍ മാമുക്കോയ ഹാജി, ചിറ്റടി അഹമ്മദ്കുട്ടി ഹാജി, കോയ മുസ്‌ലിയാര്‍ സൗത്ത് അരയങ്കോട്, വൈത്തല അബൂബക്കര്‍, സി.എ ഷുക്കൂര്‍ മാസ്റ്റര്‍, എന്‍.പി ഹംസ മാസ്റ്റര്‍, ജാഫര്‍ മാവൂര്‍, റഫീഖ് മാസ്റ്റര്‍, ടി.പി സുബൈര്‍ മാസ്റ്റര്‍, അഷ്‌കര്‍ പുവ്വാട്ടുപറമ്പ് സംബന്ധിച്ചു.
ഇന്നു നടക്കുന്ന സമാപന പരിപാടി സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് ജന.സെക്രട്ടറി കോട്ടുമല ടി.എം ബാപ്പു മുസ്‌ലിയാര്‍ ഉദ്ഘാടനം ചെയ്യും. സ്വാഗതസംഘം ചെയര്‍മാന്‍ പാണക്കാട് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാകും.
അന്‍വര്‍ മുഹ്‌യിദ്ദീന്‍ ഹുദവി ആലുവ മുഖ്യപ്രഭാഷണം നടത്തും. സമസ്ത കേന്ദ്ര മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍ ദിക്‌റ് ദുആ മജ്‌ലിസിനു നേതൃത്വം നല്‍കും.