തിരുവനന്തപുരം: ശബരിമലയില്‍ മലയരയ വിഭാഗത്തിന്റെ അവകാശങ്ങള്‍ പുനഃസ്ഥാപിക്കുന്നതില്‍ തെറ്റില്ലെന്ന് ബി.ജെ.പി സംസ്ഥാന ജനറല്‍ സെക്രട്ടറി എം.ടി രമേശ്. മകരവിളക്ക് തെളിക്കുന്നത് സംബന്ധിച്ച് മലയരയര്‍ക്കുള്ള അവകാശം തിരികെ നല്‍കണമെന്ന് ബി.ജെ.പി നേരത്തെ ആവശ്യപ്പെട്ടതാണ്. മലയരയരാണ് മകരവിളക്ക് തെളിക്കുന്നതെന്നും അവരുടെ അവകാശം ദേവസ്വം ബോര്‍ഡ് പിടിച്ചെടുത്തതാണെന്നും എല്ലാവര്‍ക്കും അറിയാവുന്നതാണ്. ശബരിമലയിലെ പൂജ സംബന്ധിച്ച കാര്യങ്ങളില്‍ ചരിത്രം പരിശോധിച്ച് മലയരയര്‍ക്ക് അവകാശം ഉണ്ടെങ്കില്‍ അത് തിരിച്ചുനല്‍കണം. മലയരയരുടെ അവകാശം കവര്‍ന്നെടുത്തത് തന്ത്രിയോ പൂജാരിമാരോ അല്ലെന്നും ദേവസ്വം ബോര്‍ഡാണ് ഉത്തരവാദിയെന്നും എം.ടി രമേശ് വാര്‍ത്താസമ്മേളനത്തില്‍ പറഞ്ഞു.

ശബരിമല നട തുറക്കുന്ന ഈ മാസം 13ന് ശബരിമലയിലെ ആചാര സംരക്ഷണത്തിനുള്ള ബി.ജെ.പിയുടെ സമരത്തിന്റെ ഭാഗമായി എല്ലാ ജില്ലാ കേന്ദ്രങ്ങളിലും സത്യഗ്രഹം നടത്തുമെന്നും എം.ടി രമേശ് അറിയിച്ചു.