മലപ്പുറം: സഹനം, സമരം, സമര്‍പ്പണം എന്ന പ്രമേയത്തില്‍ റമദാന്‍ ക്യാംപയിനോടനുബന്ധിച്ച് എസ്‌കെഎസ്എസ്എഫ് മലപ്പുറം ജില്ലാ കമ്മിറ്റി സംവേദനവും ഇഫ്താര്‍ വിരുന്നും ഇന്ന് കോട്ടക്കല്‍ ഇന്ത്യനൂര്‍ സി.വി.ഓഡിറ്റോറിയത്തില്‍ നടക്കും. വൈകീട്ട് നാലിനു 'ബദര്‍ ഇന്നും പ്രസക്തമാണ്' എന്ന വിഷയത്തില്‍ സംവേദനം നടക്കും. സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ അധ്യക്ഷനാകും. സയ്യിദ് ബഷീറലി ശിഹാബ് തങ്ങള്‍, പ്രതിപക്ഷ ഉപനേതാവ് പി.കെ.കുഞ്ഞാലിക്കുട്ടി, ഇ.ടി. മുഹമ്മദ് ബഷീര്‍ എംപി, എംഎല്‍എമാരായ അഡ്വ. എന്‍. ഷംസുദ്ദീന്‍, പി. ഉബൈദുല്ല, എസ്‌വൈഎസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍, ഹസന്‍ സഖാഫി പൂക്കോട്ടൂര്‍, അഹ്മദ് വാഫി കക്കാട്, ചെമ്മുക്കന്‍ കുഞ്ഞാപ്പു ഹാജി, ഷാഹുല്‍ ഹമീദ് മേല്‍മുറി പങ്കെടുക്കും. ജില്ലയില്‍നിന്നുള്ള സംസ്ഥാന ഭാരവാഹികള്‍, ജില്ലാ, ഏരിയാ ഭാരവാഹികള്‍ സംബന്ധിക്കും.