ഇസ്താംബൂള്‍: കൊവിഡ് ഭീതിയില്‍ ലോകത്തിലെ ഒട്ടുമിക്ക രാജ്യങ്ങളിലും കായിക മത്സരങ്ങള്‍ നിര്‍ത്തിവെച്ചതോടെ ആശങ്കയിലാണ് കായിക പ്രേമികള്‍.
ചാംപ്യന്‍സ് ലീഗ്, ഇംഗ്ലീഷ് പ്രീമിയര്‍ ലീഗ്, സീരി എ, ലാലിഗ, എഫ്.എ കപ്പ് തുടങ്ങിയവയൊക്കെ ഇത്തവണ പാതിവഴിയില്‍ ഉപേക്ഷിച്ചേക്കുമെന്ന ആശങ്കയും ഇവര്‍ പങ്കുവയ്ക്കുന്നുണ്ട്. ഇന്ത്യയിലാവട്ടെ, ഫുട്‌ബോളും ക്രിക്കറ്റും നിര്‍ത്തിവച്ചിരിക്കുന്നു. എന്നാല്‍, ഞാനൊന്നുമറിഞ്ഞില്ലേ എന്ന മട്ടില്‍ ചില രാഷ്ട്രങ്ങളില്‍ ഫുട്‌ബോള്‍, ക്രിക്കറ്റ്, തുടങ്ങിയ മത്സരങ്ങള്‍ തകൃതിയായി പുരോഗമിക്കുന്നു. ഫുട്‌ബോള്‍ അതികായരായ അര്‍ജന്റീനയ്ക്കു പുറമേ, തുര്‍ക്കി, ബംഗ്ലാദേശ്, ഘാന തുടങ്ങിയ രാഷ്ട്രങ്ങളിലാണ് ഫുട്‌ബോള്‍ മത്സരങ്ങള്‍ ഗംഭീരമായി നടന്നുകൊണ്ടിരിക്കുന്നത്. അതില്‍ പ്രധാനപ്പെട്ടവ താഴെ:

അല്‍ജീരിയ ലീഗ് 1
അര്‍ജന്റീന പ്രീമിയര്‍ നാഷനല്‍
അര്‍ജന്റീന ടോര്‍ണിയോ ഫെഡറല്‍
അര്‍ജന്റീന കോപ്പ സൂപ്പര്‍ ലിഗ
ആസ്‌ത്രേലിയ എ ലീഗ്
ആസ്‌ത്രേലിയ ഡബ്ല്യു ലീഗ്
ബൊളിവിയ ഡിവിഷനല്‍ പ്രൊഫഷനല്‍
ബംഗ്ലാദേശ് പ്രീമിയര്‍ ലീഗ്
ചിലി പ്രീമിയര്‍ ഡിവിഷന്‍
കോസ്റ്ററിക്ക പ്രീമിയര്‍ ഡിവിഷന്‍
ഘാന പ്രിമിയര്‍ ലീഗ്
ഗ്വാട്ടിമാല ലിഗ നാഷനല്‍
ഹോങ്കോങ് എഫ്.എ കപ്പ്
ഹോണ്ടുറാസ് ലിഗ നാഷനല്‍
മെക്‌സിക്കോ ലീഗ്
ഉക്രെയ്ന്‍ പ്രീമിയര്‍ ലീഗ്
തുര്‍ക്കി സൂപ്പര്‍ ലീഗ്
വിയറ്റ്‌നാം വി ലീഗ്
ലോകക്ലബ് സൗഹൃദം