പാലക്കാട്: വേലന്താവളത്ത് വാഹന പരിശോധനയ്ക്കിടെ മോട്ടോര്‍ വെഹിക്കിള്‍ ഇന്‍സ്‌പെക്ടറെ ലോറിയിടിച്ച് കൊലപ്പെടുത്തി. മലപ്പുറം കുറ്റിപ്പുറം സ്വദേശിയും അസി. മോട്ടോര്‍ വൈഹിക്കിള്‍ ഇന്‍സ്‌പെക്ടറുമായ  അസ്ഹര്‍ (25) ആണ് മരിച്ചത്. പ്രദേശത്ത് ഇന്നലെ വൈകിട്ട് നടത്തിയ വാഹന പരിശോധനക്കിടെ നിര്‍ത്താതെ പോയ  കെ.എല്‍ 10 ബി.എ 5052 ടോറസ് (ടിപ്പര്‍ ) ലോറിയെ ബൈക്കില്‍ പിന്തുടര്‍ന്ന് പിടിക്കാന്‍ ശ്രമിക്കവെ ഇടിച്ച് തെറിപ്പിക്കുകയായിരുന്നു. 

 സംഭവത്തെത്തുടര്‍ന്ന് തുടര്‍ന്ന് ലോറി ഡ്രൈവര്‍ ഓടി രക്ഷപ്പെട്ടു. തമിഴ്‌നാട്ടിലെ ക്വാറിയില്‍ നിന്ന് പാറപ്പൊടിയുമായി ടോറസ് ലോറിയാണ്  അപകടമുണ്ടാക്കിയത്.

 ഗുരുതരമായി പരുക്കേറ്റ  അസ്ഹറിനെ വേലന്താവളത്തെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൂന്ന് മാസത്തെ ഡെപ്യൂട്ടേഷനിലാണ് അസ്ഹര്‍ വേലന്താവളം ചെക്ക്‌പോ സ്റ്റില്‍  ജോലിയില്‍ പ്രവേശിച്ചത്. സബ് ഇന്‍സ്‌പെക്ടറായ വിരുത്തുള്ളിയില്‍ ഗഫൂറിന്റെയും എന്‍.ഐ.എ.യു.പി സ്‌കൂള്‍ അധ്യാപിക റംലയുടെയും മകനാണ്.