തിരുവനന്തപുരം: തലശേരിയില്‍ ദലിത് സഹോദരിമാരെ കള്ളക്കേസില്‍ക്കുടുക്കി ജയിലിലടച്ചത് അപലപനീയമെന്ന് പ്രതിപക്ഷ നേതാവ് രമേശ് ചെന്നിത്തല. ഇതിനെതിരേ ശക്തമായ പ്രതിഷേധം ഉയര്‍ന്നുവരും.

പിണറായിയുടെ ഭരണത്തില്‍ ദലിത് പിന്നോക്ക വിഭാഗങ്ങള്‍ക്ക് യാതൊരു സംരക്ഷണവും ലഭിക്കുകയില്ലെന്നതിന്റെ പ്രകടമായ തെളിവാണിത്. സ്ത്രീ സുരക്ഷയുടെയും ദലിത് സംരക്ഷണത്തിന്റെയും പേരില്‍ മുതലക്കണ്ണീരൊഴുക്കി ഭരണത്തിലേറിയ പിണറായിയും സംഘവും ഇപ്പോള്‍ അവരെ അടിച്ചമര്‍ത്തുകയാണ്. ഇത് കേരളത്തിലെ ജനങ്ങള്‍ നോക്കിനില്‍ക്കില്ല. പെണ്‍കുട്ടികളെ ജയിലിലടച്ചവര്‍ക്കെതിരേ നടപടിയെടുക്കണമെന്നും അദ്ദേഹം പറഞ്ഞു.