ബേത്തൂര്‍പാറ: ആള്‍താമസമില്ലാത്ത വീടിന് തീപിടിച്ചു. ബേത്തൂര്‍പാറ അമയിലെ കെ. നാരായണന്‍ നായരുടെ വീടീനാണ് തീപിടിച്ചത്. ഇന്നലെ ഉച്ചയോടെയാണ് സംഭവം. നാരായണനും കുടുംബവും പുതിയ വീട്ടിലാണ് താമസം.
വീടിനകത്ത് സൂക്ഷിച്ചിരുന്ന 15 കിന്റല്‍ റബ്ബര്‍ ഷീറ്റ് പുതിയ വീടിന് വേണ്ടി കൂട്ടി വച്ച വാതിലുകള്‍ എന്നിവ കത്തിനശിച്ചു. ഷോര്‍ട്ട് സര്‍ക്യൂട്ട് ആണ് തിപിടിത്തത്തിന് കാരണം. കുറ്റിക്കോലില്‍ നിന്നും എത്തിയ അഗ്‌നി രക്ഷസേനയും നാട്ടുകാരും ചേര്‍ന്ന് തീയണക്കുകയായിരുന്നു.