തിരുവനന്തപുരം: കൊവിഡ് 19ന്റെ പശ്ചാത്തലത്തില്‍ ട്രെയിന്‍ ഗതാഗതം സ്തംഭനത്തിലേക്ക്. ഇന്നലെയും നിരവധി സര്‍വിസുകള്‍ റദ്ദാക്കി. 20 ട്രെയിനുകള്‍ പൂര്‍ണമായും അഞ്ച് ട്രെയിനുകള്‍ ഭാഗികമായും സര്‍വിസുകള്‍ നടത്തില്ലെന്ന് റെയില്‍വെ തിരുവനന്തപുരം ഡിവിഷന്‍ അറിയിച്ചു. കൊവിഡ് ഭീതിയില്‍ യാത്രക്കാരില്ലാത്തതാണ് സര്‍വിസുകള്‍ റദ്ദാക്കാന്‍ കാരണം.
16355 കൊച്ചുവേളി -മംഗലാപുരം (മാര്‍ച്ച് 21, 26, 28 തിയതികളില്‍), 16356 മംഗലാപുരം -കൊച്ചുവേളി അന്ത്യോദയ എക്‌സ്പ്രസ് (മാര്‍ച്ച് 22, 27, 29 തിയതികളില്‍), 10215 മഡ്ഗാവ്-എറണാകുളം എക്‌സ്പ്രസ് (മാര്‍ച്ച് 22,29 തിയതികളില്‍), 10216 എറണാകുളം-മഡ്ഗാവ് എക്‌സ്പ്രസ് (മാര്‍ച്ച് 23, 30) എന്നീ സര്‍വിസുകള്‍ നിര്‍ത്തിവച്ചു. 66315 എറണാകുളം -കായംകുളം മെമു, 66316 കായംകുളം -എറണാകുളം മെമു, 56370 എറണാകുളം -ഗുരുവായൂര്‍ പാസഞ്ചര്‍, 56373 ഗുരുവായൂര്‍ -തൃശൂര്‍ പാസഞ്ചര്‍, 56663 തൃശൂര്‍ -കോഴിക്കോട് പാസഞ്ചര്‍, 56366 പുനലൂര്‍ -ഗുരുവായൂര്‍ പാസഞ്ചര്‍, 56387 എറണാകുളം -കായംകുളം (കോട്ടയം വഴി) പാസഞ്ചര്‍, 56388 കായംകുളം -എറണാകുളം (കോട്ടയം വഴി) പാസഞ്ചര്‍, 56043 ഗുരുവായൂര്‍ -തൃശൂര്‍ പാസഞ്ചര്‍, 56044 തൃശൂര്‍ -ഗുരുവായൂര്‍ പാസഞ്ചര്‍, 56365 ഗുരുവായൂര്‍ -പുനലൂര്‍ പാസഞ്ചര്‍, 56664 കോഴിക്കോട് -തൃശൂര്‍ പാസഞ്ചര്‍, 56374 തൃശൂര്‍ -ഗുരുവായൂര്‍ പാസഞ്ചര്‍, 56375 ഗുരുവായൂര്‍ -എറണാകുളം പാസഞ്ചര്‍, 66304 കൊല്ലം -കന്യാകുമാരി മെമു, 66305 കന്യാകുമാരി -കൊല്ലം മെമു എന്നീ ട്രെയിനുകളുടെ മാര്‍ച്ച് 31വരെയുള്ള എല്ലാ സര്‍വിസുകളും റദ്ദാക്കി.
ഭാഗികമായി റദ്ദാക്കിയവ: 16302 തിരുവനന്തപുരം -ഷൊര്‍ണൂര്‍ വേണാട് എക്‌സ്പ്രസ് മാര്‍ച്ച് 31 വരെ എറണാകുളം വരെ മാത്രമെ സര്‍വിസ് നടത്തൂ. 16301 ഷൊര്‍ണൂര്‍ -തിരുവനന്തപുരം വേണാട് എക്‌സ്പ്രസ് മാര്‍ച്ച് 31വരെ എറണാകുളം മുതല്‍ തിരുവനന്തപുരം വരെ മാത്രമെ സര്‍വിസ് ഉണ്ടാവുകയുള്ളു.
56605 കോയമ്പത്തൂര്‍ -തൃശൂര്‍ പാസഞ്ചര്‍ ഏപ്രില്‍ രണ്ടുവരെ കോയമ്പത്തൂരില്‍ നിന്ന് ഷൊര്‍ണൂര്‍ വരെയായിരിക്കും സര്‍വിസ് നടത്തുക. 56603 തൃശൂര്‍ -കണ്ണൂര്‍ പാസഞ്ചര്‍ ഏപ്രില്‍ രണ്ടുവരെ ഷൊര്‍ണൂര്‍ മുതല്‍ കണ്ണൂര്‍ വരെ മാത്രമായിരിക്കും സര്‍വിസ് ഉണ്ടായിരിക്കുക.
ദക്ഷിണ റെയില്‍വേയുടെ എല്ലാ പാസഞ്ചര്‍ ട്രെയിനുകളും നാളെ റദ്ദാക്കി. ഞായറാഴ്ച പുലര്‍ച്ചെ 12 മുതല്‍ രാത്രി പന്ത്രണ്ടുവരെയാണ് റദ്ദാക്കിയിരിക്കുന്നതെന്ന് റെയില്‍വേ അധികൃതര്‍ അറിയിച്ചു.