മലപ്പുറം: വിമുക്തി നിര്‍മാര്‍ജന മിഷന്‍ മലപ്പുറത്തിന്റെ ആഭിമുഖ്യത്തില്‍ വീടുകളില്‍  സ്റ്റിക്കര്‍ പതിക്കല്‍ ലഹരി നിര്‍മാര്‍ജന യജ്ഞത്തിന്റെ മുനിസിപ്പല്‍ തല ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ നിര്‍വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് സക്കീന പൂല്‍പാടന്‍ അധ്യക്ഷയായി. ജില്ലാ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ ഉമ്മര്‍ അറക്കല്‍, ഡെപ്യൂട്ടി  എക്‌സൈസ് കമ്മിഷണര്‍ വി.ആര്‍ അനില്‍കുമാര്‍, മുനിസിപ്പല്‍ നഗരസഭ പ്രതിപക്ഷ  നേതാവ് ഒ സഹദേവന്‍, ഡെപ്യൂട്ടി ഡി.എം.ഒ ഡോ. ഇസ്മാഈല്‍, തോപ്പില്‍ മുഹമ്മദ്കുട്ടി, നഗരസഭ ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ റജീന  ഹുസൈന്‍, കെ.ടി ഹംസ, ഒ.പി ഹുസൈന്‍, മുനിസിപ്പല്‍ ചെയര്‍പേഴ്‌സണ്‍ സി.എച്ച് ജമീല ടീച്ചര്‍, വിമുക്തി ജില്ലാ കോര്‍ഡിനേറ്റര്‍  ബി ഹരികുമാര്‍ സംസാരിച്ചു.