കൂട്ടിലങ്ങാടി: ചെലൂര്‍ പി.ടി.എം.എല്‍.പി സ്‌കൂളില്‍ 40-ാം വാര്‍ഷികവും എം.അബ്ദുല്‍ റസാഖ് മാസ്റ്റര്‍ക്കുള്ള യാത്രയയപ്പു സമ്മേളനവും കൂട്ടിലങ്ങാടി ഗ്രാമപഞ്ചായത്ത് പ്രസിഡന്റ് പി.പി സുഹ്‌റാബി ഉദ്ഘാടനം ചെയ്തു.
പി.ടി.എ പ്രസിഡന്റ് ടി സുല്‍ഫീക്കര്‍ കരീം അധ്യക്ഷനായി. വാര്‍ഡ് അംഗം എം സാബിറ ഉപഹാര സമര്‍പ്പണം നടത്തി.
മങ്കട ബി.പി.ഒ ഹരിദാസന്‍ 'ഉഷസ്' വാര്‍ഷിക പതിപ്പ് സ്‌കൂള്‍ ലീഡര്‍ എം ദിയാഫാത്തിമക്ക് കോപ്പി നല്‍കി പ്രകാശനം ചെയ്തു. ഹെഡ്മാസ്റ്റര്‍ എം അബ്ദുസ്സലാം, അധ്യാപകരായ ഇ മുഹമ്മദ്, എം മൊയ്തു, എം ഉമ്മര്‍, മുസ്തഫ മൈലപ്പുറം, ജോസ് ഫ്രാന്‍സിസ്, രാമന്‍, ഹമീദ്, യൂനുസ് കരീം, എന്‍.ഹംസ സംസാരിച്ചു.