തലശ്ശേരി: മദ്‌റസ അന്‍വരിയ എല്‍.പി സ്‌കൂളില്‍ അന്‍വാരിയ ഫെസ്റ്റ് ആരംഭിച്ചു. അന്താരാഷ്ട്ര വനിതാദിനമായ ഇന്നലെ അമ്മയ്‌ക്കൊപ്പം എന്ന പരിപാടിയില്‍ രക്ഷിതാക്കള്‍ക്കുള്ള മത്സരങ്ങള്‍ നടന്നു. ഇന്ന് അന്‍വാരിയ ഇംഗ്ലീഷ് ഫെസ്റ്റ് നടക്കും.
നാളെ അന്‍വാരിയയ്‌ക്കൊപ്പം പരിപാടിയും ഞായറാഴ്ച അന്‍വാരിയ സാമൂഹ്യക്ഷേമ പദ്ധതിയും സമാപന ദിവസമായ തിങ്കളാഴ്ച അന്‍വാരിയ ആര്‍ട്‌സ് ആന്റ് കള്‍ച്ചറല്‍ ഫെസ്റ്റും നടത്തും. അമ്മയ്‌ക്കൊപ്പം പരിപാടിയില്‍ സോഷ്യല്‍ കൗണ്‍സിലര്‍ കവിത എ.കെ വിഷയാവതരണം നടത്തും. ഇന്നലെ നടന്ന പരിപാടിയില്‍ എം സൗജത്ത്, തങ്കമ്മ, ഷീജ, ആബിദ ടി എന്നിവര്‍ സംസാരിച്ചു. പരിപാടിയോടനുബന്ധിച്ച് നഗരസഭാ വാര്‍ഡ് കൗണ്‍സിലര്‍ റുബ്‌സീന ടി.എം സ്‌കൂള്‍ ബ്രോഷര്‍ പ്രകാശനം ചെയ്തു. തലശ്ശേരി സൗത്ത് ബി.പി.ഒ ശ്രീരജ്ഞന പി.ഒ പരിപാടി ഉദ്ഘാടനം ചെയ്തു. തിങ്കളാഴ്ച നടക്കുന്ന സമാപന സമ്മേളനം തലശ്ശേരി സര്‍ക്കിള്‍ ഇന്‍സ്‌പെക്ടര്‍ പ്രദീപന്‍ കണ്ണിപ്പൊയില്‍ ഉദ്ഘാടനം ചെയ്യും. നഗരസഭാ വൈസ് ചെയര്‍പേഴ്‌സണ്‍ നജ്മ ഹാഷിം അധ്യക്ഷത വഹിക്കുന്ന ചടങ്ങില്‍ വാര്‍ഡ് കൗസിലര്‍ റുബ്‌സീന ടി.എം. പരിസ്ഥിതി സൗഹൃദ പ്രഖ്യാപനം നടത്തും. തലശ്ശേരി എ.ഇ.ഒ. പി.പി സനകന്‍, അഹമ്മദ് റിയാസ്, ഒ.കെ, മമ്മൂട്ടി പി.കെ, മുഹമ്മദ് നിസാര്‍, പി.വി അബ്ദുറഹിമാന്‍ സംസാരിക്കും.