പാലക്കാട്: വായനാദിനത്തിന്റെ ഭാഗമായി ജൂണ്‍ 19 മുതല്‍ വിവിധ പരിപാടികളോടെ ആചരിക്കുന്ന വായനാ വാരാചരണത്തിന്റെ ജില്ലാതല ഉദ്ഘാടനം ഇന്നു രാവിലെ 9.30ന് ഗവണ്‍മെന്റ് മോയന്‍ ഹയര്‍ സെക്കന്‍ഡറി സ്‌കൂളില്‍ ജില്ലാപഞ്ചായത്ത് പ്രസിഡന്റ് അഡ്വ. കെ. ശാന്തകുമാരി നിര്‍വഹിക്കും.
ജില്ലാ കലക്ടര്‍ പി മേരിക്കുട്ടി വായനാദിന പ്രതിജ്ഞ ചൊല്ലിക്കൊടുക്കും.
ജില്ലാ ഇന്‍ഫര്‍മേഷന്‍ ഓഫിസ്, പി.എന്‍ പണിക്കര്‍ ഫൗണ്ടേഷന്‍, വിദ്യാഭ്യാസ വകുപ്പ് തുടങ്ങിയവരുടെ ആഭിമുഖ്യത്തിലാണ് പരിപാടി നടക്കുന്നത്.