റോഡ് മുറിച്ചു കടക്കുന്നതിനിടെ സ്വദേശിയുടെ വാഹനമിടിച്ച് മരണപ്പെട്ട മലപ്പുറം സ്വദേശിയുടെ മയ്യത് ഖബറടക്കി

backup

March 25 2020 | 15:03 PM

റിയാദ്: സഊദിയിലെ ജിസാനിൽ ഉണ്ടായ വാഹനാപകടത്തിൽ മരിച്ച മലപ്പുറം സ്വദേശിയുടെ മയ്യത് ജിസാനിൽ ഖബറടക്കി. പെരിന്തൽമണ്ണ കാര്യവട്ടം സ്വദേശി കൂവത്തും പീടിക നസീർ ഹുസൈൻ (50) ന്റെ മയ്യത്താണ് ജിസാനിൽ അഹദുൽ മസാരിഹിലെ മഖ്ബറത്തുൽ ഹുറിൽ അസർ നിസ്കാര ശേഷം ഖബറടക്കിയത്.

കോഫീ ഷോപ്പ് ജീവനക്കാരനായ നസീർ എതിർവശത്തുള്ള ഷോപ്പിലേക്ക് പോകാനായി റോഡ് മുറിച്ച് കടക്കുമ്പോൾ സ്വദേശി പൗരന്റെ വാഹനം ഇടിച്ചാണ് അപകടം. ഗുരുതരമായി പരുക്കേറ്റ നസീറിനെ അടുത്ത് തന്നെ ഉണ്ടായിരുന്ന സ്പോൺസറുടെ നേതൃത്വത്തിൽ ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായിരുന്നില്ല.

ഇന്ത്യൻ കോൺസുലേറ്റ് സോഷ്യൽ വെൽഫെയർ കമ്മിറ്റി അംഗവും ജിസാൻ കെ എം സി സി സെൻട്രൽ കമ്മിറ്റി പ്രസിഡൻറുമായ ഹാരിസ് കല്ലായിയുടെ നേതൃത്വത്തിലാണ് നടപടികൾ പൂർത്തിയാക്കിയത്. മുസ്തഫ ദാരിമി നിസ്കാരത്തിനും പ്രാർഥനക്കും നേതൃത്വം നൽകി. ജലീൽ ശാന്തപുരം, സ്പോൺസർ മുഹ്സിൻ സഫി, ഇസ്മായിൽ ബാപ്പു, കുഞ്ഞിപ്പ പെരിയമ്പലം, ജാബിർ രാമനാട്ടുകര, ഷാജഹാൻ കോഡൂർ എന്നിവർ വിവിധ ഘട്ടങ്ങളിൽ സഹായത്തിനായി ഉണ്ടായിരുന്നു.

പരേതരായ കൂവത്തും പീടിക

മുഹമ്മദ് കദീജ ചേലാകോടൻ എന്നിവരുടെ മകനാണ്. ഭാര്യ എറേത്ത് ഷഹറാ ബാനു കാപ്പ്. മക്കൾ: ഫാത്തിമത്ത് മിഷാന, മുഹമ്മദ് നിഷാം, ഫാത്തിമത്ത് നിഷ്ന.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."