കാട്ടാക്കട: നെയ്യാറില്‍ കുളിക്കാനിറങ്ങിയ യുവാവിനെ കാണാതായി. നിലമേല്‍ കടവ് സ്വാതി ഭവനില്‍ സൂരജിനെ(22) യാണ് കാണാതായത്.
പെരിഞ്ഞാം കടവിനു സമീപം നിലമേല്‍ കപ്പില്‍ സഹോദരി ഭര്‍ത്താവ് മനുവിനൊപ്പം ആറ്റില്‍ കുളിക്കാനിറങ്ങവെ മുങ്ങിത്താഴുകയായിരുന്നു. നാട്ടുകാരും പൊലിസും അഗ്‌നിശമന സേനയും തിരച്ചില്‍ നടത്തിയെങ്കിലും കണ്ടെത്താതായില്ല. ഫയര്‍ ഫോഴ്‌സിന് മതിയായ രക്ഷാപ്രവര്‍ത്തന ഉപകരണങ്ങള്‍ ഇല്ലാത്തതും തിരിച്ചടിയായെന്ന ആരോപണം ഉണ്ട്. വ്യാപാരി വ്യവസായി ഏകോപന സമിതി പ്രസിഡന്റ് വാമദേവന്റെ മകനാണ് സൂരജ്. ഒരു സഹോദരിയുണ്ട്.