തിരൂരങ്ങാടി: സമയത്തെച്ചൊല്ലി ബസ് ജീവനക്കാര്‍ തമ്മിലുണ്ടായ ഏറ്റുമുട്ടലിനെ തുടര്‍ന്നു രണ്ടുപേര്‍ അറസ്റ്റില്‍. ഇന്നലെ രാവിലെ പത്തിനു ചെമ്മാട് ബസ് സ്റ്റാന്‍ഡിലാണ് മര്‍ഹബ, സലാമത്ത് ബസുകളിലെ ജീവനക്കാര്‍ തമ്മില്‍ ഏറ്റുമുട്ടിയത്.
സംഘട്ടനത്തില്‍ പരുക്കേറ്റ സലാമത്ത് ബസിലെ ഡ്രൈവര്‍ വൈദ്യരങ്ങാടി സ്വദേശി മുഹമ്മദ് ഷാഫിയെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു.
പരാതിയില്‍ മര്‍ഹബ ബസിലെ കണ്ടക്ടര്‍ ചെനക്കലങ്ങാടി സ്വദേശി അബ്ദുല്‍ അസീസ്, ക്ലീനര്‍ പി. സൈഫുദ്ദീന്‍ എന്നിവരെയാണ് പൊലിസ് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതികളെ പതിനാല് ദിവസത്തേക്ക് റിമാന്‍ഡ് ചെയ്തു.