കരുനാഗപ്പള്ളി: കുലശേഖരപുരത്ത് തെരുവ് വിളക്കുകള്‍ കത്തുന്നില്ലെന്ന് പരാതി.
ഇലക്ട്രിക് പോസ്റ്റുകളില്‍ സ്ഥാപിച്ചിട്ടുള്ള ട്യൂബ് ലൈറ്റുകള്‍ തൂങ്ങിയാടി അപകടാവസ്ഥ സൃഷ്ടിക്കുന്നുമുണ്ട്. കുലശേഖരപുരം സ്റ്റേഡിയം വാര്‍ഡിലാണ് തെരുവ് വിളക്കുകള്‍ പ്രകാശിക്കാതെ പോസ്റ്റുകളില്‍ തൂങ്ങിയാടുന്നത്. ശാസ്താംപൊയ്ക ജങ്ഷന് പടിഞ്ഞാറുള്ള രണ്ട് പോസ്റ്റുകളിലും മെഴുവേലിക്കാവ് ക്ഷേത്രത്തിന് സമീപത്തുമാണ് ട്യൂബ് ലൈറ്റുകള്‍ ഇളകി കിടക്കുന്നത്. സമീപ വാര്‍ഡുകളില്‍ എല്ലാം തെരുവ് വിളക്കുകള്‍ പ്രകാശിക്കുമ്പോള്‍ സ്റ്റേഡിയം വാര്‍ഡ് ഇരുട്ടിലായതില്‍ വന്‍ പ്രതിഷേധമാണ് ഉയരുന്നത്.