കൊച്ചി:31 കോടി രൂപ മുതല്‍മുടക്കില്‍ ആധുനിക മാംസ സംസ്‌കരണപ്ലാന്റ് 31ന് കമ്മിഷന്‍ ചെയ്യുമെന്ന് മീറ്റ് പ്രൊഡക്ട്‌സ് ഓഫ് ഇന്ത്യ(എം.പി.ഐ) ചെയര്‍മാന്‍ ടി.ആര്‍ രമേശ്കുമാര്‍ വാര്‍ത്താസമ്മേളനത്തില്‍ പറഞ്ഞു. ദിവസം 200 മാടുകളെ കശാപ്പുചെയ്യാനുള്ള ശേഷി പ്ലാന്റിനുണ്ടാകും.
എസ്.സി, എസ്.ടി ഡിപ്പാര്‍ട്ടുമെന്റുമായി സഹകരിച്ച് മീറ്റ് ഷോപ്പുകള്‍ തുടങ്ങുന്നതിനുള്ള പദ്ധതിക്കും തുടക്കമായിട്ടുണ്ട്. നിലവില്‍ ഈ പദ്ധതി പ്രകാരം 11 മീറ്റ് ഷോപ്പുകള്‍ പ്രവര്‍ത്തനമാരംഭിച്ചതായും അദ്ദേഹം പറഞ്ഞു.
മീറ്റ് പ്രൊഡക്ട്‌സ് ഓഫ് ഇന്ത്യയുടെ നേരിട്ടുള്ള വിപണനകേന്ദ്രം എറണാകുളം ചെട്ടിചിറയില്‍ പ്രവര്‍ത്തനമാരംഭിച്ചു. മേയര്‍ സൗമിനി ജെയിന്‍ ഉദ്ഘാടനം നിര്‍വഹിച്ചു. ബിജുലാല്‍, സജി ഈശോ, എ.എല്‍. മനു, ആല്‍ബിന്‍ സി. ജോണ്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു.