ആലുവ: മാതാ തിയേറ്ററിനു സമീപം വച്ച് കഞ്ചാവ് വില്‍പന നടത്തിയ പ്രതിയെ ആലുവ സ്റ്റേഷന്‍ എസ്.എച്ച്.ഒ ഹണി കെ. ദാസും സംഘവും അറസ്റ്റ് ചെയ്തു. എളംകുന്നപ്പുഴ ചമ്മിണിക്കോടത്ത് വീട്ടില്‍ ഷിബു (42) വിനെയാണ് അറസ്റ്റ് ചെയ്തത്.
വലിയ കച്ചവടക്കാരില്‍ നിന്നും വാങ്ങി ചെറിയ പൊതികളിലാക്കി തിയേറ്ററിന് സമീപത്ത് വില്‍പന നടത്തുന്ന ആളാണ് ഷിബു. ആലുവ സ്റ്റേഷനില്‍ ഷിബുവിന് മുന്‍പും കേസുകള്‍ ഉള്ളതാണ്. പ്രതിക്ക് എതിരെ കേസ് എടുത്ത് കോടതിയില്‍ ഹാജരാക്കി.