തിരുവനന്തപുരം: ആറ്റുകാല്‍ പൊങ്കാലയോടനുബന്ധിച്ച് നാളെ തമ്പാനൂര്‍ ശ്രീകുമാര്‍ തീയറ്ററില്‍ തിരുവനന്തപുരം മെഡിക്കല്‍ കോളജിന്റെ നേതൃത്വത്തില്‍ സൗജന്യ വൈദ്യസഹായം ഏര്‍പ്പെടുത്തും. മൃതസഞ്ജീവനി (കെ.എന്‍.ഒ.എസ്.), മെഡിക്കല്‍ കോളജിലെ കമ്മ്യൂണിറ്റി മെഡിസിന്‍ വിഭാഗം, സമഗ്രം ഹെല്‍ത്ത് ഫൗണ്ടേഷന്‍, ആള്‍ കേരള മോഹന്‍ലാല്‍ ഫാന്‍സ് അസോസിയേഷന്‍, തമ്പാനൂര്‍ ബ്രദേഴ്‌സ് എന്നിവര്‍ സംയുക്തമായാണ് വൈദ്യസഹായം ഏര്‍പ്പെടുത്തുന്നത്.
രാവിലെ എട്ടിന് നടക്കുന്ന ഉദ്ഘാടന ചടങ്ങില്‍ നടന്‍ അനൂപ് മേനോന്‍, സംവിധായകരായ ബി. ഉണ്ണികൃഷ്ണന്‍, മേജര്‍ രവി എന്നിവര്‍ പങ്കെടുക്കും.ഇതോടൊപ്പം ആള്‍ കേരള മോഹന്‍ലാല്‍ ഫാന്‍സ് അസോസിയേഷന്‍, തമ്പാനൂര്‍ ബ്രദേഴസ് എന്നിവയുടെ നേതൃത്വത്തില്‍ 10,000 പേര്‍ക്ക് സൗജന്യ ഭക്ഷണവും വിതരണം ചെയ്യും. ഇവരുടെ നൂറിലധികം വോളന്റിയര്‍മാരുടെ സേവനവുമുണ്ടാകും. അവയവദാന ബോധവല്‍കരണത്തിന്റെ ഭാഗമായി കെ.എന്‍.ഒ.എസ്. ടീ ഷര്‍ട്ടുകളും വിതരണം ചെയ്യും.