കൊച്ചി: തൃക്കാക്കര റെയിഞ്ച് ജംഇയ്യത്തുല്‍ മുഅല്ലിമീന്‍, മാനേജ്‌മെന്റ് അസോസിയേഷന്‍ സംയുക്ത സംരംഭമായ റെയിഞ്ച് മുഅല്ലിം ക്ഷേമനിധി ബോര്‍ഡ് എന്നിവയുടെ ആഭിമുഖ്യത്തില്‍ ബദര്‍ അനുസ്മരണ സമ്മേളനവും റെയിഞ്ചിലെ മുഴുവന്‍ മുഅല്ലിമീങ്ങള്‍ക്കുമുള്ള റമദാന്‍ കിറ്റ് വിതരണവും നടത്തി. തൃക്കാക്കര ദാറുസ്സലാം മദ്രസാ ഹാളില്‍ നടന്ന സമ്മേളനം തൃക്കാക്കര ഖത്വീബ് അബ്ദുല്‍ ലത്വീഫ് വാഫി ഉദ്ഘാടനം ചെയ്തു.
റെയിഞ്ച് മുഅല്ലിം ക്ഷേമനിധി ബോര്‍ഡ് ചെയര്‍മാന്‍ എം.എം അബൂബക്കര്‍ ഫൈസി അധ്യക്ഷനായി. എറണാകുളം ജില്ലാ ജംഇയ്യത്തുല്‍ മുഅല്ലിമീന്‍ വൈസ് പ്രസിഡന്റ് അബ്ദുല്‍ ജലീല്‍ ഫൈസി മുഖ്യ പ്രഭാഷണം നടത്തി. സമസ്ത കേന്ദ്ര മുശാവറ അംഗമായി തെരഞ്ഞെടുക്കപ്പെട്ട ഇ.എസ് ഹസന്‍ ഫൈസി ഉസ്താദിനെ ആദരിച്ചു.
മുഫത്തിശ് അലി ദാരിമി, റെയിഞ്ച് മദ്‌റസാ മാനേജ്‌മെന്റ് അസോസിയേഷന്‍ പ്രസിഡന്റ് എ.എ അബ്ദുല്‍ റഹിമാന്‍, ട്രഷറര്‍ കെ.കെ മുഹമ്മദ് ഹാജി, റെയിഞ്ച് ജംഇയ്യത്തുല്‍ മുഅല്ലിമീന്‍ ട്രഷറര്‍ പി.കെ അബൂബക്കര്‍ മാസ്റ്റര്‍ പരീക്ഷാ ബോര്‍ഡ് ചെയര്‍മാന്‍ അബ്ദുല്ല മുസ്‌ലിയാര്‍ എന്നിവര്‍ സംസാരിച്ചു. കണ്‍വീനര്‍ കെ.എം അബ്ദുല്‍ റഹിമാന്‍ സ്വാഗതവും റെയിഞ്ച് സെക്രട്ടറി കെ.എം യൂസുഫ് മസ്റ്റര്‍ നന്ദിയും പറഞ്ഞു.