ആലക്കോട്: യുവതിയെ പീഡിപ്പിച്ചു ഗര്‍ഭിണിയാക്കിയ കേസില്‍ യുവാവ് കസ്റ്റഡിയില്‍. തുരുമ്പി മഞ്ഞുമല സ്വദേശിയെയാണ് ആലക്കോട് എസ്.ഐ കെ.ജെ ബിനോയിയും സംഘവും കസ്റ്റഡിയിലെടുത്തത്. ഇന്നലെ രാവിലെ യുവതി കുളിമുറിയില്‍ പ്രസവിച്ചതോടെയാണ് പീഡന വിവരം പുറത്തുവന്നത്. ഒന്‍പതു മാസങ്ങള്‍ക്ക് മുന്‍പ് ക്ഷീരസംഘത്തില്‍ പാല് നല്‍കി തിരിച്ചു വീട്ടിലേക്ക് വരുന്ന വഴി ആളൊഴിഞ്ഞ പറമ്പില്‍വച്ച് യുവതിയെ പീഡിപ്പിക്കുകയായിരുന്നു.
യുവതിയെയും കുഞ്ഞിനേയും വൈദ്യ പരിശോധനക്കായി ആശുപത്രിയിലേക്ക് മാറ്റി. ഇന്ന് നടക്കുന്ന തിരിച്ചറിയല്‍ പരേഡിനു ശേഷമേ അറസ്റ്റുണ്ടാകൂ.