തിരുവനന്തപുരം: എല്ലാ വായ്പകള്‍ക്കും മൊറട്ടോറിയം നല്‍കുന്ന കാര്യത്തില്‍ റിസര്‍വ് ബാങ്കിന്റെ അംഗീകാരം ലഭിക്കാനുണ്ടെന്ന് മുഖ്യമന്ത്രി. ജനുവരി 31വരെ കുടിശ്ശികയില്ലാത്ത വായ്പകളുടെ കാര്യത്തില്‍ മൊറട്ടോറിയത്തിന് അംഗീകാരം ലഭിച്ചിട്ടുണ്ട്.
എന്നാല്‍ 31 വരെയുള്ള എല്ലാ വായ്പകള്‍ക്കും മൊറട്ടോറിയത്തിനാണ് സര്‍ക്കാര്‍ ആവശ്യപ്പെട്ടിട്ടുള്ളത്. ഇക്കാര്യത്തില്‍ റിസര്‍വ് ബാങ്ക് അംഗീകാരം ലഭിക്കാനുണ്ടെന്നും മുഖ്യമന്ത്രി വാര്‍ത്താസമ്മേളനത്തില്‍ പറഞ്ഞു.
ബാങ്കുകള്‍ നല്‍കുന്ന സ്വര്‍ണവായ്പ നാലുശതമാനം പലിശനിരക്കില്‍ തിരിച്ചടയ്ക്കാനുള്ള അവസാന തീയതി ജൂണ്‍ 30 വരെയായി നീട്ടണമെന്ന് കേന്ദ്ര കൃഷി മന്ത്രാലയത്തോട് സര്‍ക്കാര്‍ ആവശ്യപ്പെട്ടിരുന്നു. കാലാവധി ദീര്‍ഘിപ്പിക്കണമെന്ന് കേന്ദ്ര ധനമന്ത്രാലയം റിസര്‍വ് ബാങ്ക് ഗവര്‍ണര്‍ക്ക് നിര്‍ദേശം നല്‍കിയിട്ടുണ്ടെന്നും മുഖ്യമന്ത്രി പറഞ്ഞു.