എടപ്പാള്‍: കുറ്റിപ്പുറം ചൂണ്ടല്‍ സംസ്ഥാനപാതയിലെ പ്രധാന ടൗണായ എടപ്പാള്‍ ടൗണിലെ ട്രാഫിക് സിഗ്നല്‍ നിലച്ചു. ഇതോടെ ഗതാഗതക്കുരുക്കും രൂക്ഷമായി. ബാറ്ററി തകരാറുമൂലം ഒരു മാസത്തോളമായി വൈദ്യുതി ഇല്ലാത്ത സമയത്ത് സിഗ്നല്‍ പ്രവര്‍ത്തിച്ചിരുന്നില്ല.
അതേസമയം അടുത്ത ദിവസം തന്നെ പ്രശ്‌നം പരിഹരിക്കുമെന്നാണ് അധികൃതര്‍ നല്‍കുന്ന സൂചന. കുറ്റിപ്പുറം റോഡിലെ സിഗ്നല്‍ തൂണ്‍ വാഹനമിടിച്ച് ചെരിഞ്ഞ് നില്‍ക്കാന്‍ തുടങ്ങിയിട്ട് മാസങ്ങളായി.
ഇത് അറ്റകുറ്റ പണി നടത്താത്തതും അപകടഭീതി പരത്തുന്നുണ്ട്. നിരവധി യാത്രക്കാര്‍ കടന്നുപോകുന്ന പ്രധാന പാതയിലെ ടൗണിലെ സിഗ്നല്‍ പുനസ്ഥാപിക്കാത്തതില്‍ പ്രതിഷേധത്തിലും അമര്‍ഷത്തിലുമാണ് നാട്ടുകാര്‍.