കല്ലമ്പലം: ജങ്ഷനില്‍ പാര്‍ക്ക് ചെയ്തിരുന്ന സ്‌കൂട്ടറില്‍നിന്ന് മൊബെല്‍ മോഷ്ടിച്ചു കടന്നുകളഞ്ഞ മൊബെല്‍ മോഷ്ടാവ് അറസ്റ്റില്‍. തിരുവനന്തപുരം മുട്ടത്തറ വള്ളക്കടവ് സിമി ഭവനില്‍ ബാബു (46) ആണ് അറസ്റ്റിലായത്.
മൊബെല്‍ മോഷണം നടന്നതായി വിവരം ലഭിച്ച പൊലിസ് സി.സി.ടി.വി നിരീക്ഷണം ശക്തമാക്കുകയും തുടര്‍ന്ന് നാട്ടുകാരുടെ സഹായത്തോടെ പ്രതിയെ അറസ്റ്റ് ചെയ്യുകയുമായിരുന്നു. കല്ലമ്പലം പൊലിസ് സബ് ഇന്‍സ്‌പെക്ടര്‍ പി. അഭിലാഷിന്റെ നേതൃത്വത്തിലുള്ള പൊലിസ് സംഘമാണ് പ്രതിയെ അറസ്റ്റ് ചെയ്തത്.ട
തുടര്‍ന്ന് പ്രതിയെ ചോദ്യം ചെയ്തതില്‍നിന്നു പാരിപ്പള്ളി മെഡിക്കല്‍ കോളജിലെ ഒരു ഡോക്ടറുടെ 600000 രൂപ വില വരുന്ന മൊബൈല്‍ ഫോണും ആശുപത്രിയില്‍നിന്നു പ്രതി മോഷ്ടിച്ചതായും കൂടാതെ പാരിപ്പള്ളിയില്‍നിന്ന് ഒരു ഇതരസംസ്ഥാന തൊഴിലാളിയുടെ മൊബൈലും മോഷ്ടിച്ചതായും കണ്ടെത്തി.
പ്രതി കൂടുതല്‍ കുറ്റകൃത്യങ്ങളില്‍ ഉള്‍പ്പെട്ടിട്ടുണ്ടോയെന്ന് അന്വേഷിച്ച് വരികയാണെന്ന് കല്ലമ്പലം പൊലിസ് അറിയിച്ചു.