കൊച്ചി: കൊവിഡ്-19നെ തുടര്‍ന്ന് ലോക്ഡൗണ്‍ പ്രഖ്യാപിച്ചിരിക്കുന്ന സാഹചര്യത്തില്‍ വീട്ടിലിരിക്കുന്നവര്‍ക്ക് പുസ്തകങ്ങള്‍ വായിക്കാന്‍ സൗകര്യമൊരുക്കി നാഷനല്‍ ബുക്ക് ട്രസ്റ്റ് (എന്‍.ബി.ടി). 

കേന്ദ്ര മാനവ വിഭവശേഷി വികസന വകുപ്പിനു കീഴിലുള്ള നാഷനല്‍ ബുക്ക് ട്രസ്റ്റ് തങ്ങളുടെ 100 ലേറെ പുസ്തകങ്ങള്‍ പൊതുജനത്തിന് വെബ്‌സൈറ്റില്‍നിന്ന് സൗജന്യമായി ഡൗണ്‍ലോഡ് ചെയ്യുന്നതിനുള്ള സംവിധാനമാണ് ഒരുക്കിയത്. 

ആളുകള്‍ വീടുകളില്‍ തന്നെ തങ്ങുന്നത് പ്രോത്സാഹിപ്പിക്കുന്നതിനുള്ള ശ്രമങ്ങളുടെ ഭാഗമായാണിത്. എന്‍.ബി.ടിയുടെ തിരഞ്ഞെടുത്ത, ഏറ്റവും കൂടുതല്‍ വിറ്റഴിക്കപ്പെടുന്ന പുസ്തകങ്ങളും ഇതിലുള്‍പ്പെടും.എന്‍.ബി.ടിയുടെ വെബ്‌സൈറ്റായ വേേു:െിയശേിറശമ.ഴീ്.ശി നിന്ന് ഹിന്ദി, ഇംഗ്ലീഷ്, അസമിയ, ബംഗ്ലാ, ഗുജറാത്തി, മലയാളം, ഒഡിയ, മറാത്തി, മിസോ, ബോഡോ, നേപ്പാളി, തമിഴ്, പഞ്ചാബി, തെലുങ്ക്, കന്നട, ഉറുദു, സംസ്‌കൃതം ഭാഷകളിലുള്ള നോവലുകള്‍, ജീവചരിത്രങ്ങള്‍, ജനപ്രിയ ശാസ്ത്രം, അധ്യാപകര്‍ക്കുള്ള കൈപ്പുസ്തകങ്ങള്‍, കുട്ടികള്‍ക്കും കൗമാരക്കാര്‍ക്കുമുള്ള  പുസ്തകങ്ങള്‍ തുടങ്ങിയവ പി.ഡി.എഫ് രൂപത്തില്‍ സൗജന്യമായി ഡൗണ്‍ലോഡ് ചെയ്യാം. കൂടുതല്‍ പുസ്തകങ്ങള്‍ ഇതിലേക്ക് ലഭ്യമാക്കും. 

പി.ഡി.എഫ് രൂപത്തിലുള്ള ഈ പുസ്തകങ്ങള്‍ വായനക്കുവേണ്ടി മാത്രമുള്ളതാണ്. ഇത് വാണിജ്യാവശ്യത്തിനായി ഉപയോഗിക്കാന്‍ പാടില്ലെന്നും എന്‍.ബി.ടി അറിയിച്ചു.