കോഴിക്കോട്: അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ചു ജില്ലയില്‍ എക്‌സൈസ് വകുപ്പിന്റെ ആഭിമുഖ്യത്തില്‍ ജൂണ്‍ 26ന് നടക്കാവ് ഗവ. ഗേള്‍സ് ഹയര്‍സെക്കന്‍ഡറി സ്‌കൂളില്‍ വിദ്യാര്‍ഥികള്‍ക്കായി ജലഛായാ ചിത്രരചനാ മത്സരം നടത്തുന്നു. എല്‍.പി, യു.പി, ഹൈസ്‌കൂള്‍ എന്നീ വിഭാഗങ്ങളിലായാണു മത്സരം. രാവിലെ ഒന്‍പതിന് രജിസ്‌ട്രേഷന്‍ ആരംഭിക്കും. പേപ്പര്‍ ഒഴികെ ചിത്രം വരയ്ക്കാനുള്ള സാമഗ്രികള്‍ മത്സരാര്‍ഥികള്‍ കൊണ്ടുവരികയും സ്‌കൂള്‍ മേധാവിയില്‍ നിന്നുള്ള സാക്ഷ്യപത്രം ഹാജരാക്കുകയും വേണം. ഫോണ്‍ 0495 2372927, 9400069675.