അന്തിക്കാട്: ഏഴാം ക്ലാസുകാരിയെ പീഡിപ്പിച്ച കേസില്‍ 47 കാരന്‍ അറസ്റ്റില്‍. കാഞ്ഞാണി സ്വദേശി എ രാശ്ശേരി വീട്ടില്‍ സഹജനെയാണ് ഇരിങ്ങാലക്കുട എ.എസ്.പി കിരണ്‍ നാരായണന്‍ അറസ്റ്റ് ചെയ്തത്. ഇയാളെ ഇരിങ്ങാലക്കുട കോടതി റിമാന്റ് ചെയ്തു. രണ്ട് വര്‍ഷം മുമ്പാണ് കേസിനാസ്പദമായ പീഡനം നടന്നത്. അയല്‍വാസിയായ പ്രതി പീഡനത്തിന് ശേഷവും ഒന്നും സംഭവിക്കാത്തത് പോലെ പെണ്‍കുട്ടിയുടെ വീട്ടുകാരുമായി നല്ല ബന്ധം പുലര്‍ത്തുകയും ചെയ്തു. ഇതിനിടയിന്‍ പ്രതി പെണ്‍കുട്ടിയെ വീണ്ടും പീഡിപിക്കുന്നതിനായി ശ്രമിച്ചതോടെ ഭയന്ന ഏഴാം ക്ലാസുകാരി സ്‌കൂളില്‍ ആരോടും അധികം സംസാരിക്കാതെ ഇരിക്കുന്നത് ശ്രദ്ധിച്ച അധ്യാപിക നിര്‍ബന്ധപൂര്‍വ്വം കാര്യങ്ങള്‍ ആരാഞ്ഞതോടെയാണ് രഹസ്യം പുറത്ത് വന്നത്. പരാതിയെ തുടര്‍ന്ന് അന്തിക്കാട് എസ്.ഐ സനീഷ് രവീന്ദ്രന്‍ കേസെടുത്തു. ഇരിങ്ങാലക്കുട എ.എസ്.പി കിരണ്‍ നാരായണന്റെ നേതൃത്വത്തില്‍ നടന്ന അന്വേഷണത്തിലാണ് പ്രതി പിടിയിലായത്.