മാനന്തവാടി: രാജ്യത്തെ മികച്ച കലാകാരന്‍മാര്‍ക്ക് ഡല്‍ഹി ആസ്ഥാനമായ പ്രഫുല്ല ദഹനുക്കര്‍ ആര്‍ട്ട് ഫൗണ്ടേഷന്‍ നല്‍കുന്ന 2017ലെ ദേശീയ കലാപുരസ്‌കാരത്തിന് മാനന്തവാടി സ്വദേശി ജിന്‍സ് ഫാന്റസി അര്‍ഹനായി. ബംഗളൂരില്‍ നടന്ന ചടങ്ങില്‍ ജിന്‍സ് അവാര്‍ഡ് ഏറ്റുവാങ്ങി. ശില്‍പിയും ചിത്രകാരനുമായ ജിന്‍സിന്റെ 'ദി മാന്‍' എന്ന ശില്‍പത്തിനാണ് അവാര്‍ഡ്. കേരളത്തിനകത്തും പുറത്തുമായി നാല്‍പതോളം ചിത്രശില്‍പ പ്രദര്‍ശനങ്ങള്‍ നടത്തിയിട്ടുള്ള ജിന്‍സ് ഫാന്റസി ഇന്‍ഡോ മെക്‌സിക്കന്‍ പ്രദര്‍ശനത്തിന് ഒരുങ്ങുന്നതിനിടെയാണ് പുതിയ അവാര്‍ഡ്. മാനന്തവാടിയിലെ ഗീവര്‍ഗീസ്-സാറാമ്മ ദമ്പതികളുടെ മകനാണ്. മെറിനാണ് ഭാര്യ.