പാലക്കാട്: ജൂലായ് ഒന്നിന് ആരംഭിക്കുന്ന കാര്‍ഷിക മേഖലയുമായി ബന്ധപ്പെട്ട് കണക്കെടുപ്പിന് വീടുകളില്‍ എത്തുന്ന എന്യുമറേറ്റര്‍മാരോട് വിവരങ്ങള്‍ കൈമാറി സഹകരിക്കണമെന്ന് അഡീഷണല്‍ ജില്ലാ മജിസ്‌ട്രേറ്റ് ഡോ: ജെ.ഒ അരുണ്‍ അറിയിച്ചു.
എ.ഡി.എമ്മിന്റെ ചേംബറില്‍ ചേര്‍ന്ന ജില്ലാതല കോര്‍ഡിനേഷന്‍ കമ്മിറ്റിയുടെ യോഗത്തില്‍ എ.ഡി.എം ഡോ: ജെ.ഒ അരുണ്‍ അധ്യക്ഷനായി. പത്താമത് കാര്‍ഷിക സെന്‍സസിന്റെ ജില്ലാതല പരിശീലന പരിപാടി ജൂണ്‍ 24ന് രാവിലെ 10ന് ടോപ്പ് ഇന്‍ ടൗണ്‍ ഗാര്‍ഡന്‍വ്യൂ ഹാളില്‍ നടക്കും.മൂന്ന് ഘട്ടങ്ങളായിട്ടാണ് സെന്‍സസ് പുരോഗമിക്കുക. ഒന്നാം ഘട്ടത്തിന്റെ പൂര്‍ത്തീകരണം സെപ്റ്റംബര്‍ 30 ന് അവസാനിക്കുമെന്ന് എക്കണോമിക്‌സ് ആന്‍ഡ് സ്റ്റാറ്റിസ്റ്റിക്‌സ് ഡെപ്യൂട്ടി ഡയറക്ടര്‍ അറിയിച്ചു.
ലോക കാര്‍ഷിക സെന്‍സസിന്റെ ഭാഗമായിട്ടാണ് ഇന്ത്യയില്‍ കേന്ദ്രസര്‍ക്കാര്‍ കാര്‍ഷിക സെന്‍സസ് നടത്തി വരുന്നത്. 1970 ലാണ് സെന്‍സസ് ആരംഭിച്ചത്. ഓരോ അഞ്ച് വര്‍ഷം കൂടുമ്പോഴാണ് കാര്‍ഷിക സെന്‍സസ് നടത്തി വരുന്നത്.