വടക്കാഞ്ചേരി: ഗവണ്‍മെന്റ് മോഡല്‍ റസിഡന്‍ഷ്യല്‍ സ്‌കൂളില്‍ പ്രതിഭാ സംഗമം നടന്നു. സ്റ്റുഡന്റ് പൊലിസ് കേഡറ്റിന്റെ പുതിയ ബാച്ച് ഉദ്ഘാടനവും ഉണ്ടായി. വടക്കാഞ്ചേരി നഗരസഭ നടപ്പിലാക്കുന്ന സര്‍വ്വ ശുദ്ധി പദ്ധതിയുടെ സ്‌കൂള്‍ തലപ്രവര്‍ത്തനവും ആരംഭിച്ചു. വായനാ വാരാഘോഷത്തിനും തുടക്കമായി എം.എല്‍ എ അനില്‍ അക്കര ഉദ്ഘാടനം ചെയ്തു.
നഗരസഭ ചെയര്‍പേഴ്‌സണ്‍ ശിവപ്രിയ സന്തോഷ് അധ്യക്ഷയായി. സ്‌കൂളില്‍ നടന്ന തായ്‌കൊണ്ടാ പരിശീലനം നേടിയവര്‍ക്കുള്ള സര്‍ട്ടിഫിക്കറ്റ് വിതരണം വടക്കാഞ്ചേരി സി.ഐ എം.കെ സുരേഷ് കുമാറും, സര്‍വ്വ ശുദ്ധി പദ്ധതി യുടെ ഉദ്ഘാടനം നഗരസഭ സ്ഥിരം സമിതി അധ്യക്ഷന്‍ എം.കെ പ്രമോദ് കുമാറും നിര്‍വഹിച്ചു.
വാര്‍ഷിക കലണ്ടര്‍ വടക്കാഞ്ചേരി ബ്ലോക്ക് പട്ടിക ജാതി വികസന ഓഫിസര്‍ ജോസഫ് ജോണ്‍ പ്രകാശനം ചെയ്തു. വായനാവാരത്തിന്റെ ഉദ്ഘാടനം കവയിത്രിയും അധ്യാപികയുമായ ടി.ജി അജിത നിര്‍വഹിച്ചു. പി.ടി.എ പ്രസിഡന്റ്് സി.എ രാധാകൃഷ്ണന്‍ സീനിയര്‍ സൂപ്രണ്ട് സെബാസ്ത്യന്‍ പ്രിന്‍സ് , പ്രധാനാധ്യാപകന്‍ എം.കെ ശിവദാസന്‍ സംസാരിച്ചു.