കോവളം: മുത്തൂറ്റ് ബാങ്ക് കവര്‍ച്ച പിടിയിലായ പ്രതികളെ കസ്റ്റഡിയില്‍ വാങ്ങാന്‍ കേരളാ പൊലിസ് സംഘം ഗുജറാത്തിലേക്ക് തിരിച്ചു. ചൊവ്വാഴ്ച രാവിലെ കോവളം എസ്.ഐ ശശിധരന്‍ പിള്ളയുടെ നേതൃത്വത്തില്‍ ആറംഗ സംഘമാണ് ഗുജറാത്തിലേക്ക് തിരിച്ചത്. ഞായറാഴ്ച ഉച്ചയോടെ പ്രതികളുമായി സംഘം മടങ്ങിയെത്തുമെന്നാണ് വിവരം. പ്രതികളെ കസ്റ്റഡിയില്‍ വാങ്ങി ചോദ്യം ചെയ്യുന്നതോടെ കൂടുതല്‍ കവര്‍ച്ചാ കേസുകള്‍ക്ക് തുമ്പുണ്ടാകുമെന്ന പ്രതീക്ഷയിലാണ് പൊലിസ്. കഴിഞ്ഞ ആഴ്ചയാണ് മോഷണ ശ്രമത്തിനിടെ പത്തംഗ സംഘം ഗുജറാത്തിലെ പാര്‍ഡി പൊലിസിന്റെ പിടിയിലാകുന്നത്.
സംഘത്തില്‍ കോവളം മുത്തൂറ്റ് ബാങ്ക് കവര്ച്ചയിലെ പ്രതികളായ നാലുപ്പേരുണ്ടെന്ന് മനസിലാക്കിയ പാര്‍ഡി പൊലിസ് വിവരം വിഴിഞ്ഞം സി.ഐയെ അറിയിക്കുകയായിരുന്നു.