കൊയിലാണ്ടി: പാറപ്പള്ളി ഉറൂസിന് ഭക്തിനിര്‍ഭരമായ തുടക്കം. കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി പതാക ഉയര്‍ത്തി. ഉദ്ഘാടന സമ്മേളനത്തില്‍ മഹല്ല് പ്രസിഡന്റ്് സിദ്ദീക്ക് കൂട്ടുംമുഖം അധ്യക്ഷനായി. ഇന്നലെ നടന്ന ഹജ്ജ് ക്യാംപിന് റഫീഖ് സക്കരിയ്യ ഫൈസി നേതൃത്വം നല്‍കി. ഹാഫിള് സിബ്‌റത്തുല്ലറഹ്മാനി, സുഹൈല്‍ ഹൈതമി, ബഷീര്‍ ദാരിമി പന്തിപ്പൊഴില്‍, എം.കെ ഗഫൂര്‍, അന്‍സാര്‍ കൊല്ലം, മൊയ്തു ഹാജി തൊടുവഴല്‍, അബ്ദുറഷീദ് ദാരിമി, മുനീര്‍ ദാരിമി, മുഹമ്മദ് ദാരിമി സംസാരിച്ചു. ഇന്ന് വൈകിട്ട് ഏഴിന് നടക്കുന്ന മജ്‌ലിസുന്നൂര്‍ മുബഷിര്‍ തങ്ങള്‍ ജമലുല്ലൈലി ഉദ്ഘാടനം ചെയ്യും.
ഉറൂസ് ഞായറാഴ്ച സമാപിക്കും. ഉമര്‍ മുസ്‌ലിയാര്‍ കീഴ്‌ശ്ശേരി, ഹസ്സന്‍ സഖാഫി പൂക്കോട്ടൂര്‍ എന്നിവര്‍ സമാപനത്തില്‍ സംബന്ധിക്കും.