മാനന്തവാടി: കാട്ടിച്ചിറക്കല്‍ മഖാം ഉറൂസിന് തുടക്കമായി. പാണക്കാട് സൈനുല്‍ ആബിദ് തങ്ങള്‍ പതാക ഉയര്‍ത്തി. മഖാം സിയാറത്തിന് മഹല്ല് ഖാസി ആസിഫ് വാഫി നേതൃത്വം നല്‍കി. ഉറൂസിനോടനുബന്ധിച്ച് വിവാഹസംഗമവും നടക്കും. വിപുലമായ പരിപാടികളാണ് ആസൂത്രണം ചെയ്തിരിക്കുന്നതെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ഉറൂസിനോടനുബന്ധിച്ച് നാലാമത് വിവാഹ സംഗമത്തില്‍ ജില്ലയിലെ വിവിധ ഭാഗങ്ങളിലുള്ള ഏഴ് യുവതി-യുവാക്കളുടെ വിവാഹം 18ന് രാത്രി 8.30ന് നടക്കും. തുടര്‍ന്ന് നടക്കുന്ന പൊതുസമ്മേളനം പാണക്കാട് സയ്യിദ് ബഷീര്‍അലി ശിഹാബ് ങ്ങള്‍ ഉദ്ഘാടനം ചെയ്യും.
സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍, കേന്ദ്ര മുശാവറ അംഗം വി മൂസ്സക്കോയ മുസ്‌ലിയാര്‍, ആനമങ്ങാട് അബൂബക്കര്‍ മുസ്‌ലിയാര്‍, എസ് മുഹമ്മദ് ദാരിമി, പി ഹസ്സന്‍ മുസ്‌ലിയാര്‍, കെ.സി മമ്മൂട്ടി മുസ്‌ലിയാര്‍, മമ്മൂട്ടി ഫൈസി തരുവണ, ത്വാഹിര്‍ ഹുദവി പട്ടാമ്പി, ആസിഫ് വാഫി റിപ്പണ്‍, ശുഹൈബ് യമാനി എന്നിവര്‍ സംബന്ധിക്കും. 15ന് രാത്രി 8ന് അന്‍വര്‍ മുഹിയുദ്ദീന്‍ ഹുദവി ആലുവയും 16ന് എ.എം നൗഷാദ് ബാഖവി ചിറയന്‍കീഴും 17ന് ആസിഫ് വാഫി റിപ്പണും 18ന് റാഷിദ് ഗസ്സാലി കൂളിവയലും വിവിധ വിഷയങ്ങളില്‍ പ്രഭാഷണം നടത്തും.
19ന് രാത്രി 9.30ന് നടക്കുന്ന ദിക്‌റ് ദുആ മജ്‌ലിസിന് കോഴിക്കോട് ഖാസി സയ്യിദ് മുഹമ്മദ് കോയ ജമലുലൈലി തങ്ങള്‍, കരിമ്പന മുഹമ്മദ് മുസ്‌ലിയാര്‍ ഇരുമ്പുഴി എന്നിവര്‍ നേതൃത്വം നല്‍കും. വാര്‍ത്താസമ്മേളത്തില്‍ പ്രസിഡന്റ് ഹംസ കാഴ്ചാങ്കണ്ടി, ജനറല്‍ സെക്രട്ടറി അത്തിലന്‍ ഇബ്രാഹിം, സെക്രട്ടറിമാരായ വി.സി അഷ്‌റഫ്, നിസാര്‍ കമ്പ, ആസിഫ് വാഫി റിപ്പണ്‍, അണിയാരത്ത് മൊയ്തൂട്ടി എന്നിവര്‍ സംബന്ധിച്ചു.